غيرتي پُٽ (ڪهاڻي) ليکڪ رمضان دلدر چڍڙ

[نثارناز]

دوستو اڄ توهان سان سنڌ جي لاڙ پٽ جي خوبصورت شهر ماتليءَ جي ڀلوڙ ڪهاڻيڪار محترم رمضان ”دلدار“ چڍڙ جي ڪهاڻين جي ڪتاب ” جيئڻ جو حق“ مان هڪڙي ڪهاڻي ”غيرتِي پُٽ“ توهان سان ونڊيان ٿو، اسان جي سنڌ ۾ اڪثر اهو سوچيو ويندو آهي ته سنڌ جي گهٽي گهٽي ۾ رڳو شاعر آهن ، شاعرائون آهن ٿي سگهي ٿو اها ڳالهه سچ به هُجي پر منهنجو ذاتي طور انهيءَ ڳالهه تي پڪو يقين آهي ته هڪڙو ڪهاڻيڪار سئو شاعرن جي برابر هوندو آهي، ڇو ته ڪهاڻيڪار ويچارو پنهنجي قلم کي پنهنجي سوچ جي اُڏارن جي ذريعي معاشري ۽ ماحول جي اوڻاين سان تفصيل سان ويڙهاندي ڪرائيندو آهي، قلم چاهي شاعر جو هُجي چاهي ڪهاڻيڪار جو هُجي، سلام آهي ان قلم جي پڪڙڻ وارين آڱرين کي جيڪي بي جان لفظن ۾ ساهه وجهي ڄاڻين ٿيون، محمد رمضان دلدار چڍڙ جي هي ڪهاڻِي ”غيرتِي پُٽ“ توڻي جو مختصر آهي، پر جيڪو پيغام هن ڪهاڻي جي انجام ۾ ڪهاڻيڪار ڏنو آهي ، پڙهڻ سان دل مان بي اختيار سماجي اڻ برابري جي خلاف هڪڙي اهڙي آه نڪري ٿي جو بري هن ڀنڀور سان ويڙهاند ڪرڻ تي دل مجبور ٿيو پوي. رمضان دلدار چڍڙ پنهنجي هن ڪهاڻين جي ڪتاب ”جيئڻ جي حق ۾“ پنهنجي ارپنا انهن مظلوم مائرن جي نالي ڪندي لکي ٿو ته :​

”اُنهن مظلوم مائرن جي نالي، جن ٻنين مان گُڏون ڪڍيون، پراون گهرن ۾ پورهيا ڪري پنهنجي
اولاد کي لکائي پڙهائي اعلى منصب تي ويهاريو موٽ ۾ انهن پُٽن پنهنجي مائرن کي ڌڪا ڏيئي
گهرن مان ڪڍي ڇڏيو جيڪي در در جا ڌڪا کائي رهيون آهن “(ڪتاب جيئڻ جو حق)​

ساٿيو پهريون ڀيرو ڪنهن ڪهاڻِيءَ جي چترڪاريءَ جي روپ ۾ ڪمپوزنگ ڪئي اٿم صرف انهيءَلاءَ ته منهنجي جيجل سنڌ جا سنڌي ليکڪ چاهي شاعري جي ڪلا ذريعي يا چاهي ڪهاڻي جي ڪٿا سان پنهنجي درد کي اوتي معاشري جي تنگ نظري، اڻ برابري ۽ سماجي اوڻائين کي وائکو ڪرڻ ۾بهادرسپوتن جيان اڳي کان اڳرا آهن اسان جي سنڌ ليکڪ پنهنجي معياري لکڻين ذريعي دنيا جي سڀني سُٺن اديبن جي صف ۾ سڀ کان مٿبرا آهن . ڳالهه صرف اها آهي ته اسان کي پنهنجي سنڌي ڀائرن ۽ ڀينرن کي قائل ڪرڻو پوندو ته سنڌي اديبن جا ڪتاب هو خريد ڪري ضرور پڙهن ۽ سنڌي اديبن کي پنهنجي مفيد مشورن ۽ حوصلا افزائي سان نوازين ، جن قومن جا اديب سُجاڳ هوندا آهن انهيءَ قوم جو آئيندو يقين ڄاڻو روشن هوندو آهي، اچو ته اسان پنهنجي سنڌي اديبن جي تخليقن کي مان ڏيون . هي ڪهاڻي پڙهي جيڪڏهن توهان پنهنجا پيار واري هن ڪهاڻي جي ليکڪ جي حوصلا افزائي ڪرڻ چاهيو ٿا ته مونکي ڪو اعتراض ڪونه هوندو مان سندس موبائل نمبر ۽ ائڊريس هتي لکي ٿو ڇڏيان.
رمضان ”دلدار“چڍڙ ، اياز منزل ، وارڊ نمبر 15 ، ماتلي ضلع بدين سنڌ موبائل نمبر 03063047490​

 

[افتخار علي چوهاڻ]

جواب: غيرتي پُٽ (ڪهاڻي) ليکڪ رمضان دلدر چڍڙ

سائين نثار اوهان کي شابس هجي جو اهڙو حقيقت تي مبني ليک کي اسان تائين پهچايو اٿو ،

رمضان ”دلدار“ چڍڙ سائين به يقينن مبارباد جا مستحق آهن جو اسان جي معاشري جي سهڻي نموني عڪاسي ڪرڻ جي ڪوشش ڪئي اٿس ، اهڙا غيرتي مڙس واقع ۾ به اهڙا ئي ثابت ٿين ٿا ، ٻين جي ننگن ۾ هٿ وجهن ٿا ۽ جڏهن پاڻ مٿان ساڳي روش اپنائي وڃي ٿي ته هنن جي غيرت پوءِ ڄاڳندي آهي ،

جيڪر اهڙن قيمتي ڪتابن کي سنڌ سلامت جو زينت بڻائيدا ته وڏي مهرباني ٿيندي ، لک ٿورا اوهان جا ، والسلام​

 

[نثارابڙو]

جواب: غيرتي پُٽ (ڪهاڻي) ليکڪ رمضان دلدر چڍڙ

معاشرتي اونداهي ايتري آهي جو پنهنجو هٿ ڪڍي ڏسڻ جي ڪوشش ۾ پنهنجو هٿ به نظر نٿو اچي ،،،، اونده جا تهه آهن جيڪي هڪٻئي جي مٿان آهن ،،،،

سنڌ ۾ ڪم ڪندڙ مذهبي، سماجي، سياسي ۽ تعليمي ادارن جو ڏوهه آهي، جيڪي دعوائون ته وڏيون ڪنٿا پر انهن جي عمل جو ڪو ثبوت نظر نٿو اچي

اسانجي آرگنائزيشن ۾ جيڪڏهن ڪو ڪم ڪندڙ غلطي ڪندو آهي ته آرگنائزيشن جو سربراه هڪدم ٽريننگ مينجر کي گهرائي دٻ ڪڍندو آهي ۽ انکي قصوروار ڪندو آهي، ڇاڪاڻ ته ٽريننگ مينيجرجو ڪم آهي ته هو هر موجود ورڪر جي تربيت ۽ تعليم جو خيال ڪري ،،،،

سنڌ جا مذهبي، سماجي ۽ تعليمي ادارا ان جا ڏوهاري آهن، جيئن ڪنهن ڪلاس ۾ ٻار جي نه پڙهڻ جو قصوروار استاد کي سمجهيو ويندو آهي بلڪل ساڳئي طرح ترقي يافته ملڪن ۾ ماڻهن ۾ موجود خرابين جا ذميورا ادارا هوندا آهن

الله ڏاهي مَ ٿيان​

 

[غلام مصطفي ميمڻ]

جواب: غيرتي پُٽ (ڪهاڻي) ليکڪ رمضان دلدر چڍڙ

ادا نثار ناز صاحب اسلام عليڪم۔توهان جون تمام گهڻيون مهربانيون جو رمضان "دلدار" چڍر صاحب جي ڊيگھ جي حساب سان ته مختصر پر ڏاهپ واري سبق جي حساب سان تمام وڏي ڪهاڻي پنهنجي گهڻين مصروفيات مان ٽائيم ڪڍي هن اڳڻ جي آڪاش تي چنڊ جي روشني وانگر پکڙيو اٿئو۔
مرد جي فطرت ۾ اها جبليت شامل ٿئي ويئي آهي ته پاڻ چاهي ڪيترين پرائين ڇوڪرين سان ملندو ورتي،فلرٽ ڪندو ورتي،ڳالهيندو ورتي يا ٻيون حرڪتون ڪندو ورتي،اهئي حرڪتون ان کي خراب نه لڳنديون آهن پر جيڪڏهن هن جي زال ،ماء ،ڀيڻ يا ڌي ڪنهن کي کلي ڏسي يا رواجي انداز۔عام انداز ۾ ان ماڻهون سان ڳالهائي ته شڪ واري حالت پيدا ڪري۔هن عورت کي ڪارو ڪاري جي اندهي ۽ ظالمانه رواج تحت من گهڙت ڏوه ۾ قتل ڪندو آهي۔اسان جي دين ۽ قانون ۾ ان قسم جي قتلن جا ڪا گنجاش نه آهي۔۽ قاتل کي ساڳئي سزا ڏني ويندي جيڪا عام قتل جي ڪيس ۾ ڏني ويندي آهي۔شل الله پاڪ اسان کي عورتن جو صحيحي احترم ڪرڻ جي توفيق عطا فرمائي۔

 

[سليمان وساڻ]

جواب: غيرتي پُٽ (ڪهاڻي) ليکڪ رمضان دلدر چڍڙ

سنڌي معاشري جي موجوده حآلتن جي ترجمان ڪهاڻي آهي، مرد پاڻ ڀلي ڇڙواڳ هجي، رول هجي لوفر هجي پر عورت تي ٿورو به شڪ ٿيس ته وجهه بندوق يا ڪهاڙيء ۾ هٿ۔ هاء ڙي مرد ۔۔۔۔ تون شايد سڀ کان وڌيڪ بزدل آهين جو هڪ ڪمزور ۽ هٿين خالي عورت تي حملو ٿو ڪري ۔۔۔۔ تون شايد سنڌ جون روايتون ۽ عورت کي ڏنل عزت ۽ مان وساري ويٺو آهي۔

سٺي ڪهاڻي ۽ ڊزائن ذريعي ننڍين ڪهاڻين کي پيش ڪرڻ جو هي اوهان جو انداز به وڻيو۔