سنڌ سلامت جو ساٿ ۽ هڪ لک تحريرون

[سليمان وساڻ]

​

سنڌ سلامت جي سموري انتظاميه ۽ سنڌ سلامت جي سموري سٿ کي فورم تي هڪ لک تحريرون مڪمل ٿيڻ تي مبارڪباد پيش ڪجي ٿي۔

دوستو هي فورم، هي اوطاق، هي گهر هاڻ اسان جي سڃاڻ بڻجي رهيو آهي۔ سنڌ سلامت جي ساٿ ۾ مان فورم جي هڪ سال کانپوء شامل ٿيس پوء هوريان هوريان سنڌ سلامت انٽرنيٽ جي دنيا ۾ سنڌي ماڻهن جي محبوب ۽ مقبول ويب سائيٽ بڻجي وئي۔ فورم کي ڪامياب بنائڻ ۾ انتظاميه ۽ ميمبر دوستن بي لوث خدمتون انجام ڏيندي سنڌ جي هن خزاني نما فورم کي اهڙو ته خوبصورت بڻايو آهي جو سنڌ سلامت ڄڻ ته اسان لاء لازم بڻجي وئي آهي۔

سنڌ سلامت جي هن محبتي ميڙ ۾ ساٿ ڏيندڙ ، ڏک سک ۾ شريڪ رهندڙ، سڏ ۾ سڏ ڏيندڙ سڀني دوستن جون مهربانيون جن هن فورم کي پنهنجو ۽ سنڌي قوم جو ترجمان سمجهي پنهنجو وقت ارپيو آهي۔ سنڌ سلامت هاڻي هڪ انٽرنيٽ جو فورم ئي نه پر دوستن جي مالها بڻجي ويو آهي، جنهن ۾ دوست هڪ ٻئي سان نه صرف ملن ٿا ۽ سور سلن ٿا پر ڏک سک ۾ هڪٻئي جا ساٿي بڻجن ٿا۔​

محبتي ميڙي ڳوٺ ٻڌجي هڪڙو
انهيء جي ويڙهي پاڻهي ايندو بادشاهه​

 

[افتخار علي چوهاڻ]

جواب: سنڌ سلامت جو ساٿ ۽ هڪ لک تحريرون

خير مبارڪون سائين ،

يقينن اهو هڪ وڏو اعزاز آهي جنهن لاءِ انتظاميه ۽ ميمبر برابر جا شريڪ آهن ،

دعا آهي ته سنڌ سلامت ڏينهن و ڏينهن ترقيون ماڻيندي رهي ، سنڌي ٻولي جي احياء ۽ نئي جياپي لاءِ پنهنجو ڪردار ادا ڪندي رهي ، ​

 

[عرس پريو]

جواب: سنڌ سلامت جو ساٿ ۽ هڪ لک تحريرون

سنڌ سلامت سٿ کي دل جي گهرائين سان مبارڪ هجي ۔۔۔۔۔۔۔۔۔ دوستن جو ڪاوشن جو نتيجو آهي جو سنڌسلامت لک تائين پهتي آهي انشالله ٻن لکن تائين پهچڻ ۾ به دير ڪان لڳندي

انهن دوستن کي واڌيون هجن جن پنهنجو قيمتي ٽائيم ڪڍيهن محبتي ميڙڪي کي سجايو

 

[رحيم بخش]

جواب: سنڌ سلامت جو ساٿ ۽ هڪ لک تحريرون

سائين واقعي هي ايتريون تحريرون دوستن جي محنت جو نتيجو آهي دوستن کي جس هجي جن هن ميدان ۾ پاڻ ملهايو آهي خاص ڪري سائين محمد سليمان جن کي به مبارڪون هجن جن پاڻ هن فورم سان گهري دلچسپي رکي ڪافي دوستن کي همٿائڻ ۾ سندن ڪوششون قابل تعريف آهن الله تعالي کين صحت و عافيت سان وڏي ڄمار بخشي سائين عبدالرشيد جن جي ته ڳالهه ئي نرالي آهي هر وقت کين فورم جي ڳڻتي هوندي هر ڪڇهري ۾ هن موضوع تي ضرور ٻه چار ڳالهيون ڪندا آهن نه فقط ڳالهيون ليڪن عملي ڪم به پاڻ ئي ڪندا آهن سڀني دوستن کي مبارڪون هجن جن جي ڪوششن هي رنگ لاتو آهي.

 

[نثارابڙو]

جواب: سنڌ سلامت جو ساٿ ۽ هڪ لک تحريرون

سنڌي ٻوليءَ کي انٽرنيٽ ۽ ڪمپيوٽر جي دنيا ۾ پاڻ ڀرو ڪرڻ ۽ سنڌي ادب کي نج سنڌي ٻوليءَ ۾ گهڻي کان گهڻو خزانو جمع ڪرڻ جو جيڪو بي بها ڪم سنڌ سلامت ڊاٽ ڪام ڪيو آهي، اهو حقيقي واڌائن ڏيڻ جهڙو آهي،

دنيا جون سڀ قومون پنهنجي ٻوليءَ کي انٽرنيٽ تي آڻي ٻوليءَ جي، قوم جي ۽ سماج جي اوسر جو فرض نڀائي رهيون آهن، ڀئو هيو ته ڪٿي سنڌي ٻولي هن جديد سهولت وٺڻ کان محروم نه رهجي وڃي پر سنڌ سلامت جي دوستن يا دنيا ۾ ٻين ننڍن وڏن بلاگن ۽ سنڌي دوستن پاڻ ملهايو آهي ۽ هن وقت سنڌي ٻولي نه فقط لکڻ جي قابل ٿي آهي پر منهن مٿاهون ڪري سنڌي ادب کي دنيا آڏو روشناس ڪرائي ڇڏيو آهي.

سلام هر انهيءَ سنڌيءَ کي جيڪو ٻوليءَ سان پيار ڪري ٿو ۽ پنهنجو فرض نڀائيندي انجي ترقيءَ لاءِ پاڻ پتوڙي ٿو.

دوستو منزل آسمان آهي، اڃان گهڻي ڪم جي ضرورت آهي ۽ اڃان ڪئي جديد علم سنڌي ٻوليءَ ۾ اچڻا باقي آهن، اوهان دوست جن جو پيشو ئي ڪمپيوٽر جي دنيا سان آهي سي وڌندا رهو ... ٿڪ ڀڃڻ جي مهل اڃان اڳتي آهي.

لک سلام، لک شاباسون ۽ دل جي گهراين سان اوهان دوستن لاءِ پيار ... قبول پوي.​

 

[غلام مصطفي ميمڻ]

جواب: سنڌ سلامت جو ساٿ ۽ هڪ لک تحريرون

ادا سليمان وساڻ ۽ ٻيا معزاز ميمبرس توهان سڀني کي دل جي گهرائين سان اسان مبارڪ ٿا ڏيون هڪ لک تحريرن جي هدف کي هن محبتي اڳڻ جي ڪينئوس تي ٿوري وقت م چٽڻ تي ۔اسان ادا نثار ابڙو صاحب جي ڳالھ سان متفق اهيون ته هڪ لک تحرير اسان جي منزل جي پڄاڻي نه آهي پر اها شروعات آهي ۔اسان ۽ اوهان کي پنهنجي اڻٿڪ ڪوششن ۽ محنتن سان اهڙا ڪيترا سگ ميل پار ڪرڻ پوندا تڏهن ئي اسان پنهنجي پياري مٺي ٻولي ۽ قوم جي صحيحي خدمت جو حق ادا ڪري سگهنداسين۔توهان جون تمام گهڻيون مهربانيون جو ان قسم جي حدف پار ڪرڻ جي باري ۾ وقت به وقت معلومات ڏيندا رهندا آهيو۔ هميشه خوش رهو۔

 

[فاروق سومرو]

جواب: سنڌ سلامت جو ساٿ ۽ هڪ لک تحريرون

تمام خوشي ٿي مون کي جڏهن سنڌ سلامت جون هڪ لک تحريرون مڪمل ٿيون۔اميد ته دوست سنڌ سلامت جو ساٿ ڏيندا۔

 

[رياض حسين گلال]

جواب: سنڌ سلامت جو ساٿ ۽ هڪ لک تحريرون

سائين خير مبارڪون
اوهان سڀني کي به مبارڪون