اک اک سان وک وک سان ڪئين سُورَ سَلي ٿي پئي، جنهن جنهن دل ۾ جھاتي پايون جوت جلي ٿي پئي. هڪ سرتيءَ تان ٻيو ڌرتيءَ تان سڀ ڪجھ صدقي آ، ڳليءَ ڳليءَ هي ڳوٺاڻن ۾ ڳالهه هلي ٿي پئي. ديس مٿان جنهن سيس سُهايو سا ته سهاڳڻ ٿي، سون مٿان جنهن سيڻ مَٽايا، نيڻ مَلي ٿي پئي. پِرهه ڦُٽيءَ سان تارو تارو ڦَٽَجي ڦَهه ٿي پيو، رات رليءَ کي مات مِلي وئي، بات بَلي ٿي پئي. سرمد وارو دور ڪٿي آ، سياڻو ٿي استاد، پريت اڄوڪي، ڏاڍي اوکي، چال چلي ٿي پئي. استاد بخاري
جواب: اک اک سان وک وک سان ڪئين سُورَ سَلي ٿي پئي، (استاد بخاري) سرمد وارو دور ڪٿي آ، سياڻو ٿي استاد، پريت اڄوڪي، ڏاڍي اوکي، چال چلي ٿي پئي. استاد جي ڇا ڳالهه ڪجي ۔۔۔۔ استاد پنهنجو مٽ پاڻ هو، اوهان سندس لازوال شاعري جي چونڊ کڻي آيا آهيو، اصل دل خوش ٿي وئي۔ استاد جي شاعري هجي ۽ عرس پريو خاموش هجي ڀلا اهو به ڪو ممڪن آهي ڇا؟ سهڻا رنگ
جواب: اک اک سان وک وک سان ڪئين سُورَ سَلي ٿي پئي، (استاد بخاري) ماشاء الله تمام بهترين ء خوبصورت ونڊ
هڪ سرتيءَ تان ٻيو ڌرتيءَ تان سڀ ڪجھ صدقي آ، ڳليءَ ڳليءَ هي ڳوٺاڻن ۾ ڳالهه هلي ٿي پئي.( اُستاد بخاري) واه سائين واه۔۔۔۔ڏاڍو سُٺو ۽ زبردست ونڊ۔۔۔۔۔ مهربانيون ادل۔۔۔۔۔۔۔۔۔۔۔۔۔
