جيجل جھولي، ڏئي پئي لولي، سنڌي ٻولي، قومي ٻولي، وڏڙو ٿيندين، وکڙون کڻندين، پهرين پهرين ڦڙهي پڙهندين، بي ٻي پي ڀي ٻاتڙي ٻولي، سنڌي ٻولي قومي ٻولي. ڀيڻيون توکي ٽوپِي وجھنديون، اَجرڪ آڻي، ٻوڪي ٻڌنديون، چوڏِس تنهنجي چمڪي چولي، سنڌي ٻولي قومي ٻولي. تنهنجي مامَن جي هيءَ ٻولي، تنهنجي چاچن جي هيءَ ٻولي، مٺڙي مٺڙي سولي سولي سنڌي ٻولي، قومي ٻولي. جرنيل ٿيندين، جوڌو ٿيندين! دريا خان ۽ دودو ٿيندين! گولي تنهنجي در جي گولي، سنڌي ٻولي، قومي ٻولي. وستي وستي واهڻ واهڻ، پهڻي پهڻي، پاهڻ پاهڻ، ساحل ساحل، ڇولي ڇولي، سنڌي ٻولي قومي ٻولي. گھوٽ ڀٽائي واري ٻولي، استاد آهي پياري ٻولي، ڌارِي کارِي گھورِي گھولِي، سنڌي ٻولي، قومي ٻولي. استاد بخاري
جواب: جيجل جھولي، ڏئي پئي لولي، سنڌي ٻولي، قومي ٻولي، (استاد بخاري) استاد جي لولي هجي، امڙ جي سدا هجي ۽ وري جي بيدل مسرور جو آواز هجي ته دل مان واهه واهه نڪري ويندي آهي۔
جواب: جيجل جھولي، ڏئي پئي لولي، سنڌي ٻولي، قومي ٻولي، (استاد بخاري) ادا عرس پريو صاحب اسلام عليڪم۔ادا استاد بخاري جهڙي هن صدي جي عظيم شاعر جي ديوان مان مٺڙي ٻولي واري شاعري چونڊ ڪري هن محٻتي اڳڻ جي ڪينئوس تي انڊلٺ وانگر چمڪائي اسان جي دل کي مهت ڪري ڇڏيو اٿو۔ادا سليمان وساڻ جون به مهربانيون جو ساڳئي شاعري جو ويڊيو جيڪو محترم بيدل مسرور سنڌي جي دل ۾ اثر ڪندڙ آواز ۾ هن اڳڻ تي ونڍ ڪيو َآٿئن۔توهان ٻنهي جا تمام گهڻا قرب ۽ مهربانيون۔
