نئين سنڌ سلامت تي ڀليڪار۔۔۔

عزيز دوستو۔۔۔ اسلام عليڪم
سنڌ سلامت فورم کي نئين سافٽويئر تي منتقلي کان پوءِ هن تاريخي موقعي توهان کي ڀليڪار چوندي ڪافي خوشي ۽ مسرت پئي ٿئي۔۔۔ هي لمحو ڏسڻ لاءِ ڪافي ۽ صبر آزما انتظار ڪرڻو پيو۔۔۔ اسان گذريل سال ئي سنڌ سلامت کي زين فورو تي منتقل ڪرڻ جو فيصلو ڪيو هيو پر چند ضروري فيچرز جي کوٽ ڪري اسان کي ان منصوبي تي عمل ڪرڻ جو خيال تبديل ڪري ڇڏيو۔۔۔
زين فورو تي منتقل ٿيڻ ايترو سولو ثابت نه ٿيو جيترو اسان سوچيو ٿي۔۔۔ ڇو ته وي بليٽن تان زين فورو جو آفيشل امپورٽر نه هجڻ ڪري ڪنهن ٿرڊ پارٽي ايڊ آن ۾ ضروري تبديلين ذريعي وي بليٽن 4 جو ڊيٽا امپورٽ ڪرڻو پيو۔۔۔ ان سان گڏو گڏ زين فورو جي پبلڪ فرنٽ اينڊ جو ترجمو به ڪرڻ شروع ڪيو۔۔۔ ۽ گڏ سنڌي ايڊيٽر انٽيگريشن جا تجربا به جاري رکيا۔۔۔ ۽ آخر ڪار ٻه هفتا اڳ اسان زين فورو جي ٽيسٽ انسٽاليشن ڪرڻ جو ڪامياب تجربو ڪيو ۔۔ ان تجربي دوران هڪ حيران ڪن ڳالهه سمجهه ۾ آئي ته سنڌ سلامت جي ڊيٽا کي امپورٽ ڪندي ئي 10 ڪلاڪ لڳي ويا۔۔۔ ۽ ان ٽيسٽ جي ڪاميابي کان پوءِ پنهنجا حوصلا وڌيا ۽ تڪڙو سنڌ سلامت کي نئين سافٽويئر تي منتقل ڪرڻ جو خيال ٿيو۔۔۔
جيئن ته توهان ڏسو پيو ته الحمد الله اسان سنڌ سلامت فورم کي نئين سافٽويئر تي منتقل ڪرڻ ۾ ڪامياب ويا آهيون۔۔ ۽ مان اميد ڪريان ٿو ته اسان جي هي ڪوشش سنڌي ڪمپيوٽنگ ۾ نئين شروعات ثابت ٿيندي۔۔ عام طور ڪنهن ميجر اپ گريڊ دوران فورم کي ڪجهه ڏينهن بند رکيو ويندو آهي پر هن دفعي اسان جي پوري ڪوشش هئي ته پنهنجي مٺڙي زبان جي هن منفرد فورم کي وڌيڪ ڏينهن لاءِ بند نه رکون ان باوجود تبديلي جي شروعات ڪندي هن وقت تائين 24 ڪلاڪ گذري چڪا آهن۔۔۔
فورم کي امپورٽ ڪرڻ کان پوءِ ڪافي ٻيا ڪم به ڪرڻا پئجي ويا۔۔۔ جهڙوڪ فورم لسٽ جون پرميشنون ۽ رڪنن جي گروپ جون پرميشنون ان کان علاوه يو آر ايل ريڊائريڪشن هڪ الڳ مٿي جو سور ثابت ٿيو۔۔۔ پر خدا خدا ڪري فورم کي 80 فيصد تائين بهتر بڻايو ويو آهي۔۔۔ جنهن کان پوءِ فورم کي هر عام ۽ خاص لاءِ کوليو ويو آهي۔۔
دوستن کي هڪ دفغو ٻيهر ڀليڪار ڪندي گذارش آهي ته نئين فورم جي فيچرس کي استعمال ڪن ۽ پنهنجي مشورن سان تڪڙي آگاهي ڏين ۔۔ هڪ ڳالهه جو خيال رهي ته في الحال زين فورو جو هي بيٽا ورجن آهي جنهن ۾ ڪجهه بگز يا ڪجهه فيچرس نامڪمل ٿي سگهن ٿا۔۔۔ بحرحال اسان جي ڪوشش هوندي ته فورم کي باقائده سان نئين سافٽويئر ته اپگريڊ ڪندو رهجي ته جيئن فورم کي وڌيڪ بهتر بڻائي سگهجي۔۔۔
هن دفعي اسان جي ڪوشش هوندي ته فورم کي وڌيڪ بهتر طور سمجهائڻ لاءِ ڪجهه وڊيو ٽيوٽوريل پڻ متعارف ڪجن ۔۔ ان هوندي به في الحال اسان جي پوري توجه فورم کي وڌيڪ بهتر ۽ اسٽيبل ورجن تي آڻڻ آهي۔۔۔ نئين سافٽويئر تي ڪافي جڳهين ته سنڌي ترجمو ڪرڻ ۽ سنڌي پيڊ لڳائڻ جي ضرورت هوندي جنهن کي وقت آهر مڪمل ڪندو رهبو۔۔۔
مان اميد ڪريان ٿو ته سنڌ سلامت فورم کي نئين سافٽويئر تي منتقل ٿيڻ سان فورم جي رونقن ۾ اضافو ٿيندو ۽ هڪ ڳالهه جيڪا اڪثر سنگت سان چوندو رهندو آهيان هتي هڪ دفعو ٻيهر چوندس ته ڪميونٽي سائيٽس يا فورمز ڪنهن سافٽويئر سان نه پر ان جي رڪنن جي شرڪت ۽ فعاليت سان ان ۾ روح ڦوڪيندا آهن۔۔ اسان سنڌ سلامت کي بهتر سافٽويئر پليٽ فارم تي منتقل ڪرڻ جو پنهنجو واعدو پورو ڪري چڪا آهيون هاڻي ضرورت ان ڳالهه جي آهي ته هتي جاري سنڌيت جي پرچارڪ ۽ سنڌي ڪمپيوٽنگ پروجيڪٽ کي اڳتي وڌائڻ لاءِ ڪم ڪيو وڃي ۔۔۔ فورم جي فعاليت ۽ رونق جي سلسلي ۾ فورم ۽ انتظاميه ٻنهي جي رڪنن جي شرڪت اهم آهي۔۔
فورم جي انتظاميه تي نظرِ ثاني ڪرڻ لاءِ ڪافي وقت کان ڪم ڪرڻ جي ضرورت هئي ۔۔۔ نئين فورم کي سيٽ اپ ڪرڻ کان پوءِ ان طرف پڻ توجه ڏني ويندي۔۔۔ ڇو ته فورم جي اهميت ۽ ان جي ارتقاء جو گهڻو انحصار ان جي انتظامي رڪنن جي فعاليت تي پڻ هوندو آهي۔۔ آئنده ايڊيٽرس جي چونڊ ڪرڻ وقت ان ڳالهه کي يقيني بڻائبو ته اهي پنهنجي زيرِ نظر فورمن تي مؤثر ڪم ڪن ۔۔۔ انتظاميه تي نظرِ ثاني سان گڏو گڏ اسان فورم ۽ ان جي سيڪشنن تي پڻ نظرِ ثاني ڪندي جن سيڪشنن جي ضرورت نه آهي انهن کي آرڪائيو ڪيو ويندو ۽ جتي نون سيڪشنن ٺاهڻ جي ضرورت پئي اتي نوان سيڪشن جوڙيا ويندا۔۔۔

مان هتي تجويز پڻ ڏيندس ته فورم کي نئين سافٽويئر تي منتقل ڪرڻ کان پوءِ ان جو شاندار آغاز ڪيو وڃي ۽ دوست کي اجازت ڏني وڃي ته هو پنهنجي مرضي ۽ خواهش تحت دلچسپ سلسلا شروع ڪن ۔۔۔ ڪوشش ڪندس ته اهڙن سلسلن جي شروعات مان پاڻ به ڪريان۔۔۔ ته جيئن سنڌ سلامت جي هن سفر کي وڌيڪ رنگين ۽ پررونق بڻائي سگهجي۔۔۔
آخر ۾ مان پنهنجي محسنن محترم سائين نثار ابڙو، ادا سليمان وساڻ، علي علي ۽ ادا عامر ضياء چارڻ جو شڪريو ادا ڪرڻ نه وساريندس جن پنهنجي صلاحن، مشورن ۽ محنتن سان سنڌ سلامت فورم کي هن نئين سافٽويئر تي منتقل ڪرڻ ۾ پنهنجو پورو پورو ڪردار نڀايو۔۔۔

والسلام
سنڌ سلامت ساٿ سلامت

 

سڀ کان پهريان ته مهنجي طرفان سڄي سنگت ۽ انتظآميه ۽ تمام ميمبرن کي ان نئين سافٽ ويئر تي سنڌ سلامت جي منتقلي جي مبارڪباد پيش ڪريان ٿو ۽ ان کان بعد جس هجي ادي رشيد سمون کي جن ڏينهن رات جي محنت کان بعد ان اسڪريپٽ کي سنڌ سلامت جي قابل بڻايو مهنجي طرفان سڄي سنگت کي هڪ دفعو ٻيهر مبارڪباد ۽ واڌايون

 

سنڌ سلامت جي انتظاميه خاص ڪري ذيشان رشيد جا ٿورائتا آهيون جنهن فورم کي نئين سافٽويئر تي آڻڻ ۾ تمام گهڻي محنت ڪئي آهي۔ سڀني دوستن جا به ٿورائتا آهيون جن فورم جي 24 ڪلاڪ بند هجڻ باوجود فون ۽ ميسيجز ذريعي فورم بابت پڇندا رهيا۔

تبديلي هميشهه سولائيء سان قبول ناهي ڪئي ويندي ، اها انساني فطرت آهي۔ ڇو ته اسان جنهن سسٽم سان گهڻو مانوس ٿي چڪا هجون ۽ هڪدم نئون ماحول ۽ نوان رنگ ملن ته پريشاني ٿيندي آهي۔ پوء به ڪجهه دوست وري تبديلين جا شديد خواهان هوندا آهن۔

اميد ته هن نئين سافٽويئر تي منتقلي کانپوء دوست اسان جي مد ڪندا، صلاحون ۽ رايا ڏيندا۔ ٻروچ مان اميد هئي ته ڪي صلاحون ڏيندو پر روايتي ڳالهيون ڪري ويو۔ فورم تي لکڻ شروع ڪيوسين ته ضرور ڪجهه نيون ڳالهيون سامهون اينديون ۽ دوستن سان ونڊ ڪبيون رهبيون۔

 

رنجيت سهڻا لڳي ٿو ته فائر فاڪس جو 12 ورجن استعمال ڪري رهيو آهين۔ ان ۾ هڪ بگ اچڻ سبب سنڌي، اردو ۽ عربي اسڪرپٽ تي مسئلا ڪري رهيو آهي۔ فائر فاڪس وارا ان تي عمل ڪري رهيا آهن۔ تنهنڪري فائر فائڪس جو 11 ورجن استعمال ڪري، اوهان جي شڪايت ختم ٿي ويندي۔

 

دوست علي علي جا لک لائق ۔۔۔ جيڪا چڻنگ گڏ ٻاري هئي ان کي اڳتي وڌندي ڏسندي يقينن کيس خوشي ٿي هوندي اهو ئي سبب آهي جو فورم کي کلندو ڏسي ئي پنهنجو جواب پيش ڪين۔۔۔

 

پياري دوست شاهجهان سُميل کي سنڌ سلامت جي سهڻي فورم تي ڀليڪار۔ پيارا اوهان کي عرض ته سنڌ سلامت جي تعارف واري سيڪشن ۾ اچي اوهان دوستن سان پنهنجو تفصيلي تعارف پيش ڪيو جيئن سڀئي دوست اوهان بابت آگاهه ٿين۔

دوستو شاهجهان سميل سٺو شاعر هجڻ سان گڏ اسلام آباد سنڌي ادبي سنگت جو سرگرم اڳواڻ آهي۔

 

سافٽويئر جي نالي رکندڙن کي سنڌي زبان جي ڄاڻ هجي ها ته شايد سوچن ها۔۔۔
باقي سندن شرارت کي توهان ئي پڪڙيو۔۔۔
اميد ته پنهنجي حاضري کي مستقل رکندو جو ٻين دوستن وانگر مان به توهان جي لکائي جو بي انتها فين آهيان۔۔۔
لک لائق

 

وقت گذرڻ سان اصل فيچرس کي سمجهي به سگهبو ۽ ڪجهه لڪيل فيچرس کي ظاهر به ڪيو ويندو۔۔۔ پسنديدگي جي مهرباني ۔۔

 

پسنديدگي لاءِ لک لائق۔۔۔
اميد ته فورم کي پنهنجي خداداد صلاحيتن سان رونق بخشيندا رهندا۔۔۔

 

پسند ڪرڻ جي مهرباني۔۔۔
خير توهان جو پهريون مسئلو ته حل ٿيو ته تصوير ڪيئن اپلوڊ ڪجي۔۔۔
باقي ڳالهيون پڻ سمجهايون وينديون۔۔۔ بس ٿورو فرصت ملي ته۔۔۔

 

اندازو هيم ته سنگت کان طويل انتظار برداشت نه ٿيندو ان ڪري ٿوري وقت ۾ 80 سيڪڙو ڪم کي سڌو ڪري فورم کولڻو پيو۔۔۔ ان ڪري ظاهر آهي ڪافي شيون درست نظر نه اينديون۔۔ جنهن کي سڌو ڪرڻ جي جستجو رهندي۔۔
باقي ٻروچ هميشه رهنمائن وانگر لڪيل ڳالهيون ڪري ويندو آهي۔۔ توهان غور ڪريو ته سمجهي ويندو۔۔