سنڌ ۽ قانون جي حالت

[نثارابڙو]

هڪ ڏينهن آءُ ڪراچي شهر جي طارق روڊ جي طرف ويندي جڏهن قبرستان واري چوراهي جت وڏو الله جو بابرڪت نالو ٺهيل آهي آيس ته سگنل ڳاڙهو هيو ۽ رات جا لڳ ڀڳ ساڍا يارهن ٿي ٿيا، مون ان ڳاڙهي سگنل جو احترام ڪندي بريڪ هڻي گاڏي بيهاري ڇڏي ته پويان ايندڙ گاڏيءَ واري زوردار هارن وڄائيندي گذري ويو، انکانپوءِ به ڪيتريون ئي گاڏيون گذري ويون ۽ مونکي حيرانگيءَ سان ڏسي رهيا هيا، هڪ گاڏيءَ واري ته آهستي گاڏي ڪري مونکي چتا​

ئي ڏٺو، الائجي ڪهڙي نيت سان پر مونکي ڏاڍو عجيب لڳو ته آءُ صرف بيٺو آهيان باقي سڀ گاڏيون هلنديون ٿي رهيون.​

​

آءُ حيرانگيءَ ۾ گهر تائين سوچيندو رهيس ته دنيا جون قومون ڪيئن پنهنجي قانون جو احترام ڪنديون آهن ۽ ڪيئن پنهنجي ملڪ کي امن ۽ سڪون سان هلائينديون آهن، پر افسوس جو سنڌ ويچاريءَ ۾ الائجي ڪهڙا جاهل ماڻهون اچي ويا آهن جنکي قانون يا قومي امن جو ڪو خيال ئي ڪونهي ....​

​

الائجي اها حالت سنڌ جي ڪيستائين رهندي ...؟؟؟؟ الائجي اهو خواب اسين قبر ۾ کڻي وينداسون ...؟؟؟​

​

​

 

[سليمان وساڻ]

ان جو اڻ سڌو مطلب اهو ٿيو ته هي قوم گڏهن کان به جاهل آهي ۔۔۔۔۔

ڇا ڪجي معاشري جي مسئلن ۾ ڦاٿل ماڻهن کي هر وقت مايوسيون مليون آهن ۽ نتيجي طور هاڻي معاشرو يا سماج ئي ڪرپٽ ٿيندو وڃي۔ تنظيم ۽ قانون تي عمل ڪرڻ سان ئي قومون ترقي ڪنديون پر افسوس جو هتي ٻٽن معيارن سبب قانون ته آهي پر هڪ طبقي لاء۔ ڏاڍي جي لٺ کي ٻه مٿا آهن۔

 

[سجاد علي چنا]

اها حالت مون سان پڻ اڪثر ٿيندي آهي۔۔۔​

مان ڪوشش ڪندو آهيان ته روڊ جي قانون جي پاسداري ڪريان پر اڪثر ڪري پويان بيٺل گاڏين جي رڙين ۽ ٽوڪ تي مونکي به ڳاڙهي بتي ٻرندڙ هجڻ باوجود به اڳتي نڪرڻو پوندو آهي۔۔۔​

عجيب عجيب جملا ٻڌڻ لاء ملندا آهن۔۔ ”ڀائي انگلنڊ سي آهي هو ڪيا۔۔“
قانون ٽوڙڻ وارن مان بهر حال مان به هڪ آهيان۔​

 

[غلام مصطفي ميمڻ]

ادا نثار ابڙو صاحب۔جڏهن اسان جي قانون جي صاحب اقتدار به پرواهه نه ٿا ڪن،ٻين ماڻهن جي ڇا ڳالھ ڪجي۔اسان جو سينگاپور وڃڻ ٿيو،رات جي هڪ بجي ڌاري اسان هڪ روڊ تان لنگهياسين،هڪ گاڏي آئي ۽ ٽريفڪ سنگل ڳاڙهو هجڻ جي ڪري بيهي رهي،حالائنڪ ڪنهن پاسي کان ڪا به گاڏي نه پئي اچي ۽ نه وري ڪوئي پوليس وارو اتي موجود هو،ان جي باوجود به قانون جي احترام ۾ جيستائين سنگل سائو نه ٿيو،اها گاڏي اتان نه هلي۔قانون تي عمل معاشري جي ترقي جو ضامن آهي،قانون جي تشريح اها آهي ته اسان کي معاشري ۾ زندگي صحيحي گذارڻ جا ضابط اخلاق ٻڌائي ان تي عمل ڪرائي۔نه ته زندگي ته جانور به گذاريندا آهن۔توهان جو نصحيتو ڀريو ليک شل اسان کي قانون تي عمل ڪرڻ سيکاري۔