1988استاد بخاري ۾ سنڌ جي وحدت لاءِ لکيل هڪ نظم

[عمران درويش سومرو]

​

گهانگهري جي چئن گهوٽن جوڪُسڻ​

سنڌ جي تاريخ جو ڦٽڪي پوڻ​

​

،​

​

خون مظلومن جو ريلو ٿي هليو​

سنڌ جي ڌرتيءَ کڻي منهن کي مليو​

​

،​

​

ڪِن ڪيو پر سو به ڪهڙو احتجاج​

جهڙو تهڙو ڄڻ ته کدڙو احتجاج​

​

،​

​

شل نه ٿئي ڪنهن قوم جو خانو خراب​

سَنگُ ڪهڙو جي هجي ڪانو خراب​

​

،​

​

جو ڪڇي، تنهن لاءِ ڪارو جيل آهي​

جو لڇي، ماري چون: ڌاڙيل آ​

​

،​

​

سنڌ جو چاليهه سالو سلسلو، ​

شير ٿيندو ٿو وڃي هاڻي ٻلو​

​

،​

​

ڪلهه وتي جن سنڌ جي سِرَ ۾ پناهه​

چور ڀاڳيا ٿي ويا، ڌرتي گواهه​

​

،​

​

ڪلهه مهاجر قوم جو نعرو لڳو​

اڄ انهن جو دهل تي ڏئونڪو لڳو​

​

،​

​

​

گهانگهري موري ڳوٺ واري سانحي ۾ چئن امن پسند سنڌي سوڍن کي بندوق سان ماريو ويو ۽ هلايو ويو ته ڌاڙيل آهن.​

حوالو: استاد بخاريءَ جو ڪتاب زندگي زندگي​

پيج نمبر: 145​

ڇپائيندڙ: روشني پبليڪيشن​

​

​

 

[سليمان وساڻ]

ڪلهه مهاجر قوم جو نعرو لڳو​

اڄ انهن جو دهل تي ڏئونڪو لڳو​

1988 ۽ اڄ آهي 2012 ۔۔۔۔ انهن 24 سالن ۾ اسان ڪهڙي پلاننگ ڪئي هو ڪٿي وڃي نڪتا آهن۔ افسوس جو اسان جي اڳواڻن، سياستدانن جو پنڌ صحصح رخ ۾ ناهي۔​

 

[عاشق سولنگي]

ڪِن ڪيو پر سو به ڪهڙو احتجاج​

جهڙو تهڙو ڄڻ ته کدڙو احتجاج

درويش لک شابسون استاد جي وقت جي مناسبت سان شاعري ونڊ ڪرڻ جون۔ ​

 

[منظور ڪلهوڙو]

سائين سليمان صاحب مان دعا ٿو گهران ته جئين توهان چيو ته اسان جي سياستدانن جو پنڌ صحيح رخ ۾ نه آهي،اها ڳالهه توهان پو به وقت تي سمجهي ويا آهيو، هاڻ اها ڳالهه هر سنڌي کي سمجهڻ گهرجي، نه ته اهڙا چاليهه سال ٻيا به گذري ويندا ۽ سنڌ جا حال ويتر بدتر ٿي ويندا، بس هاڻ آزمايل کي آزمائڻ ڌوڙ پائڻ جي برابر آهي۔

 

[نثارابڙو]

آ جڏهن به استاد جي قومي ۽ انقلابي شاعري پڙهندو آهيان ته منهنجي حالت پراڻي زماني جي ان ڪردار جهڙي ٿي ويندي آهي، جيڪو ساڳي وقت کلندو ۽ روئيندو هو ۔۔۔

کلان سنڌي قوم جي نادانين تي ٿو، ۽ روئان سنڌ سان ٿيندڙ نا انصافين ۽ ويساهه گهاتين تي۔

هاڻ سنڌي نوجوانن ڪيتري حد تائين قومي سڏ سمجهڻ شروع ڪيو آهي، پر اڃان ڪا مضبوط سگهاري ۽ ڏاهپ ڀري ڪا جماعت نظر نٿي اچي ۔۔۔ ممڪن سنڌ جي قومي پارٽين ۾ ڪي ڏاها موجود هجن پر ڇڙوڇڙ ۽ مختلف هنڌن تي هجڻ سبب اها سگهه تيار ٿي ناهي سگهي، جيڪا قوم کي ڀرپور طور تي پنهنجو ڪري سگهي۔

مٿان وڏيرو، جاگيردار، سردار، پير ۽ مير ڀاڙيو ۽ بزدل آهي، ۽ پنهنجي ڏاڍ ۽ سگهه ذريعي سنڌين کي غلامي مان مٿي چڙهڻ ڪون ٿو ڏي۔

اميدن تي جهان قائم آهي ۔۔۔

 

[رياض حسين گلال]

بهترين سائين ۔۔۔۔۔۔۔۔۔۔۔۔۔۔