ڪيـهي ڪامَ ڪاپَڙِي، ٿا اَهڙِي رَوَشِ رَوَنِ؟ نڪـــا دِلِ دوزَخَ ڏي، نڪِـــي بِهِشتُ گُهـرَنِ؛ نَڪــو ڪَمُ ڪُفارَ سين، نَڪا مُسلمانِي مَــنِ؛ اُڀــــا اِيئَن چَـــــوَنِ، ته پِرين ڪَجـــــو پانهِنجو.سر رامڪلي بيت جي معنيٰ ڪهڙي مقصد خاطر ڪاپڙي اهڙي روش ٿا هلن؟ نه دل دوزخ ڏي ۽ نه وري بهشت ٿا گهرن، نه ڪفار سان ڪو واسطو ۽ نه وري مذهب سان تعلق اٿن، بس اها طلب اٿن ته پرين پنهنجو ڪن حاصل مطلب سچا انسان ڪنهن به هڪ ڌرم يا دين جا نه پر صرف هڪ ڌڻيءَ جا پوڄاري هوندا آهن ۽ هو انسانن ۾ ڪو مت ڀيد نه ڪندا آهن ۽ ڪنهن لالچ ۽ خوف کان بغير الله جي عبادت ڪندا آهن
حق لطيف ،،هر بيت لطيف جو سچ سچ۔۔۔اها ئي ته منهنجي سهڻي لطيف جي صدا هئي، ۽ منهنجو سهڻو لطيف پڻ اهو سچو ڪاپڙي هئو، جنهن کي بس هر ويل پرين جي تنوار هئي۔ ٻيو ڪجهه به نه گهربو هو سهڻي لطيف کي، بس پرين جي پچار، بس پرين جي حب هميشه سيني منجهه سانڍيل هئي۔
سائين بيشڪ هر بيت لطيف جو حق سچ۔۔۔۔۔۔۔نثار ابڙو صاحب،، سرڪار جي رامڪلي سُرَ مان بيت جي تمام سُٺي طريقي سان تشريح به ڪئي آهي ته ڊزائن ۾ صوفي ازم کي به منظر تي آڻي بهترين ڪم سر انجام ڏنو آهي...... ونڊُ ڪرڻ جي مهرباني ادا سائين.......
