بيوقوف بڻائڻ سنڌي دوستن جو ڪم آ

[ممتاز حسن ڪيهر]

منهنجي ڪمپيوٽر ڄاڻ وارا سنڌي دوستو۔۔
السلام عليڪم سدا سلامت خوش هجو۔۔۔۔
دوستو۔۔
منهنجي جهيڙا ڄٽوڙ توهان استادن جا محتاج هوندا آهن توهان جيڪر سٺي سکيا ڏيندا ته اسان جيهڙا شاگرد استادن جو
نالو روشن ڪندا۔۔۔۔۔پر جي ۔۔۔۔۔استاد ئي غلط رستو ڏيکاريندا ته پو۽ ڪنهنجو قصور آهي۔۔
سنڌ سلامت هميشه منهنجي استاد رهي آهي۔۔۔پر اڄ هي شاگرد مات کائي ويو آهي۔۔۔۔

 

[عامرضياء چارڻ]

سائين ٿورو ڳالهه کي واضح ڪريو، توهان ڇا ٿا چوڻ چاهيو ؟ ؟ ؟؟

 

[يونس ملڪاڻي]

ڳالهه سمجهه ۾ نه آئي

 

[منظور ڪلهوڙو]

منهنجا دوست پهرين ڳالهه ته توهان جو جيڪو عنوان آهي اهو پڙهي ٿورو افسوس به ٿيو ته توهان وٽ ايتري احساس محرومي ڪئين ٿي سگهي ٿي جو توهان اهڙو عنوان پيش ڪيو آهي، پر جئين ته ان عنوان جي عيوض توهان جي ڪنهن به ڳالهه مان ڪٿي به ڪا ڳالهه ان عنوان سان لاڳاپيل نٿي لڳي تنهنڪري منهنجا ڀاءِ مايوس نه ٿيو بس پنهنجي ڳالهه واضح ڪيو ته هن محبتي اڱڻ تي گهڻا ئي دوست سڄاڻ آهن ضرور توهان جي مسئلي جو حل نڪري پوندو، ڪا به شئي مشڪل نه آهي توهان پنهنجي ڳالهه چٽي ڪيو۔۔

 

[سليمان وساڻ]

مان سمجهان ٿو اوهان هن موضوع جي ڳالهه ڪئي آهي۔

ڪاش اوهان ان تي ڪيل دوستن جا ڪمينٽس پڙهو ها ۽ پوء ڪو عمل ڪيو ها۔

 

[رحيم بخش]

مان سمجهان ٿو اوهان هن موضوع جي ڳالهه ڪئي آهي۔

ڪاش اوهان ان تي ڪيل دوستن جا ڪمينٽس پڙهو ها ۽ پوء ڪو عمل ڪيو ها۔

سائين غالبا اهوئي موضوع ٿي سگهي ٿو جنهن جي ڪري ادا ممتاز ڪيهر کي شڪايت آهي بهرحال اهڙي ڪوڊنگ ڪڏهن غلط به هوندي آهي ان ڪري اهڙن تجربن کان پاسو ڪرڻ گهرجي۔

 

[عبدالحفيظ لغاري]

ادا ممتاز اوهان جو عنوان ته واقعي به ڏکوئيندڙ آهي. اها منهنجي ذاتي راءِ به آهي ۽ يقينن سڀ دوست به متفق ٿيندا ته ڪڏهن ڪنهن فردِ وحد جي ڪنهن عمل تي مجموعي راءِ نه ڏجي. ڇو ته وڏڙا بي وقوف نه هئا جيڪي چئي ويا آهن ته “پنج ئي آڱريون برابر ناهن”. هن فورم تي آئي اوهان کي اڃان ڇهه مهينا ٿيا آهن. اوهان پراڻن موضوعن ۾ وڃي ڏسو ته جن سنڌين کي اوهان بي وقوف بڻائڻ وارا چيو آهي انهن اسان جي رهنمائي ۾ ڇا ڇا ناهي ڪيو. اوهان کي سڀ سيڪشن ته ڇا پر “پُڇڻا نه منجهڻا” ۾ ئي اهو سڀ ڏسڻ لاءِ ملي ويندو جنهن کان پوءِ اوهان کي پنهنجي انهي راءِ تي پڇتاءُ ٿيندو. ۽ براءِ مهرباني تحرير جو عنوان 100 دفعا سوچي پوءِ ڏيندا ڪريو ڇو ته اها واحد شئي آهي جيڪا اڃان ته ترميم نه ٿيڻ جوڳي آهي.​

رهي ڳالهه اوهان جي گوگل ڪروم خراب ٿيڻ جي ته ڪمپيوٽر جي دنيا ايڏي ته غير محفوظ آهي جو وڏي کان وڏا ڄاڻو به ڪنهن اهڙي حملي جو شڪار ٿيو وڃن. اوهان جو ته گوگل ڪروم ويو پر ڪيترن ماڻهن جي سڄي جو سڄي ڊيٽا ئي هلي وئي. پر دوست هي ته هڪ اهڙو ڪم هو جو ڪمپيوٽر ۾ هلڪي ڄاڻ رکندڙ به احتياط ڪري ها. ڇو ته نوٽ پيڊ ۾ ڪيل ڪوڊنگ کان پوءِ اهڙن فارميٽس ۾ ٺاهيل فائلون سوچي سمجهي هلائبيون آهن.​

ليجينڊ جو مقصد ڇا هو؟ ۽ هُن اهو ڇو ڪيو اهو پُڃاڻو ڪرڻ انتظاميه تي فرض آهي. شايد اها تحرير ڪنهن انتظامي رُڪن جي نظر مان گذري نه هوندي نه ته ضرور انهي جا نقصان ٻڌايا وڃن ها ۽ ليجينڊ کي تنبيه ٿئي ها. پر هتي ڪنهن کي پنهنجي ڪا به تحرير (سواءِ اسلامي سيڪشن جي) موڪلڻ جي منع ڪانهي. جي انتظاميه اهو شرط هر تحرير تي رکي ته پوءِ ته هي فورم هلي ئي نه سگهي.​

سو قصو ڪوتاهه ته ماڻهو پنهنجي احتياط ڪري. ڳالهه سمجهه ۾ نه اچي ته مشورو ڪجي. (اهڙي ڪنهن جادو ڏسڻ کان اڳ به ته جهان هليو پئي نه. جي ڪنهن سان مشوري ڪري وٺجي ته ڪهڙو ڪو شئي هٿن مان نڪري وڃي ها. مطمئن ٿي پوءِ شروع ڪجي ها). ۽ جي ٿورو (سو به قابلِ تلافي) نقصان ٿي به وڃي ته انهي تي ايترو وڏو الزام سو به سنڌين تي.........ڏک ته ٿئي ٿو نه ادا.

 

[نثارابڙو]

چوندا آهن ته ”جت لوڀي هجن ات ٺوڳي بک نه مرن“ ۔۔۔ مون ته ليجينڊ جو ليک ڏسي ئي دوستن کي خبردار ڪيو هو ۔۔۔ پر پوءِ به تجربي ڪرڻ جي ڪهڙي ضرورت؟ هر چمڪندڙ شئي سون ناهي هوندي ۔۔۔۔۔

دوستن جي ڳالهين مان خبر پئي ته ليجينڊ جو ونڊ دوستن کي نقصان ڏي ٿو ۔۔۔جن دوستن اهو تجربو ڪيو آهي ته تصديق ڪن ته ان ليک کي ختم ڪيو وڃي ۔۔۔

لک ٿورا