ظلم جي خلاف مسجد ۽ سچي مسلمان جو ڪردار

[نثارابڙو]

ڪعبت الله شريف جي امام ۽ خطيب شيخ صالح الطالب، ڪالهه جمعي 15 جون 2012 جو خطبو ڏيندي چيو ته؛ شام جي مظلوم ماڻهن کي اهو پورو حق ٿو پهچي ته هو ظالمن سان وڙهي پنهنجا حق وٺن.

شام ۾ معصوم ماڻهن جو رت وهايو پيو وڃي. ڪو به مذهب يا اخلاقي معاشرو ظالم ڪاسائين کي اها اجازت نٿو ڏئي ٿو ته هو پنهنجا ظلم جاري رکن.

الله تعالا مظلوم ماڻهن کي حق ڏنو آهي ته هو پنهنجي حفاظت ڪن. ڪعبت الله جي امام قرآن شريف جي آيت پڙهي ٻڌائي جنهنجي معني آهي ته ؛ ظلم جي شڪار ماڻهن کي اها اجازت آهي ته هو هٿيار کڻن ۽ الله تعالا انهن جو حامي ۽ ناصر هوندو.

مٿيون خطبو ثابت ڪري ٿو ته؛
1. دنيا جي هر ظالم سان جنگ ڪرڻ حلال آهي، پوءِ اهو ظالم مسلمان ئي ڇونه هجي.

2. هر مسلمان تي اهو فرض عائد ٿئي ٿو ته ظالم کي ظلم ڪرڻ کان روڪين ۽ مظلومن جو ساٿ ڏيندي ويڙهه ڪن.

3. پاڪستان جي سڀني مسلمانن ۽ خاص ڪري سنڌي مسلمانن تي اهو فرض عائد ٿئي ٿو ته سنڌ ۽ بلوچستان سان ٿيندڙ ناانصافين جو پاسو وٺندي، سنڌ جي هر مسجد مان پاڪستاني ظلمن جي خلاف ۽ سنڌ جي حمايت ۾ آواز اٿاريو وڃي.

4. ياد رکو! صرف نمازون پڙهڻ يا عبادت ڪرڻ سان انساني فرض پورا ناهن ٿيندا، جيڪڏهن ائين هجي ها ته سڀ فرشتا به انسان سڏرائن ها. انسان اهو ئي افضل آهي جيڪو ٿيندڙ ظلمن خلاف جهاد ڪري ۽ مظلوم جو حمايتي ٿئي.

روزا نماز، اي پڻ چڱو ڪم، اهو ڪو ٻيو فهم جنهن سان پسجي پرينءَ کي.​

 

[عبدالغني لوهار]

ظلم قائم آهي مگر ظالم قائم نه آهي ، مظلوم جي آھ ۽ فرياد عرش تائين پهچي ٿي۔ الله پاڪ ظالمن سان محبت نه ڪندو آهي۔ ظلم ۽ ظالمن خلاف بغاوت حق آهي الله پاڪ سنڌي مظلومن جو حامي ۽ ناصر آهي

 

[رضوان علي جمالي]

هڻ ڀالا وِڙه ڀاڪرين آڏي ڍال مَ ڍار
مٿان تيغ ترار ته به نعارا نينهن جا

 

[نثارابڙو]

هڻ ڀالا وِڙه ڀاڪرين آڏي ڍال مَ ڍار
مٿان تيغ ترار ته به نعارا نينهن جا

سهڻا دوست! اوهان کان شايد بيت وسري ويو آهي يا وري ڄاڻي واڻي ائين لکيو اٿوَ ۔۔۔؟؟؟

سورهيه مرين سوڀ کي ته دل جا وهم وسار،
کڻ ڀالا، وڙهه ڀاڪرين، آڏي ڍال مَ ڍار،
مٿان تيغ ترار، مار ته متارو ٿئين۔

باقي ”ته به نعرا نينهن جا“ ۔۔۔ وارو بيت شايد هينئن آهي

ڪاتي هيٺان ڪنڌ پوءَ به نعرا نينهن جا
سنڌڙي جو سوڳنڌ، مرنداسين پر مرڪندي۔

 

[رضوان علي جمالي]

بي شڪ قبلا اوهان سچا آهيو ۔