نه ڪم نبريو نه غم نبريو، جو نبري ويو سو دم هوندو. جو نِکري پيو سو سچ سمجهو، جو وِکري ويو وهم هوندو تکوگهوڙو ڊُڪي ڪيڏو، نظر هَسوار جي اڳتي، زمانو تيز تنهن کان تيز تر، پنهنجو قدم هوندو. اسان جي شاعري کي انقلابي دور ۾ کڻجو، جڏهن هر لفظ پرچم، هر غزل اونچو عَلم هوندو. ”تَشا“ واري لِڪل تقدير، نه تو سمجهي نه مون سمجهي، جي ڪجهه سمجهي ته هي سمجهي؛ عمل اَحسن اُتم هوندو. ڪا ڪِٿ ليلا ڪو ڪِٿ مجنون، ڪو ڪِٿ گهرجي ڪو ڪِٿ گهربل ڪا ڪنهن جي لئه اهم هوندي، ڪو ڪنهن جي لئه اهم هوندو. بخاريءَ کي اوهان سڀني کان، يارو مان گهڻو ڄاڻان، ڀلو جي ڀائرن سمجهو ته، رهجي ويو ڀرم هوندو. (استاد بخاري)
اسان جي شاعري کي انقلابي دور ۾ کڻجو، جڏهن هر لفظ پرچم، هر غزل اونچو عَلم هوندو. استاد جي تمام خوبصورت شاعري۔ اوهان جي بهترين شيئرنگ
ديد، دل، دلدار، کي ٽئي دوکو نه چئو،زندگي ساڀيان اٿئي سپنو نه چئو۔ ڪائنات گنج ۾ سڀ ڪجهه ته آ،خير، شر جي کاڻ کي کوکو نه چئو۔ سونهن پوڄا جو سليقو سک، نظر،سهڻو سهڻو، ڪوجهي کي ڪوجهو نه چئو استاد بخاري استاد جي خوبصورت شاعري بهترين ونڊ
