جيڪڏهن ائين چئجي ته هي ٽچ اسڪرين جو دور آهي۔۔ ته ڳالهه غلط نه هوندي۔۔۔ جيتوڻيڪ اڃان تائين مختلف موبائيل ڪمپنيون بٽڻ وارا سيٽ بنائي رهيون آهن۔۔ ان باوجود به هن وقت سڀ کان مهنگا ۽ جديد فيچرس تي مشتمل سيٽ بغير بٽڻن جي ئي آهن۔۔۔ اڪثر ماڻهون ٽچ اسڪرين سيٽن کي ئي پسند ڪرڻ لڳا آهن۔۔ ان هوندي به اڃا تائين اڪثريت بٽڻ وارا سيٽ ئي استعمال ڪري رهي آهي۔۔۔ ڇو ته اهي استعمال ۾ وڌيڪ آسان آهن۔۔۔ ان ڳالهه کي ڏسندي ڏسندي سائنسدانن ان جو به حل پيش ڪري ڇڏيو۔۔۔ Tactus Technology طرفان هڪ اهڙي ٽچ اسڪرين تي ڪم هلي رهيو آهي ۔۔ جنهن ۾ ضرورت جي وقت پاڻمرادو بٽڻ ظاهر ٿي پوندا۔۔۔ جنهن کي توهان محسوس به ڪري سگهندو ۽ عام بٽڻن وانگر زور لڳائي دٻائي به سگهندو ۔۔ ۽ جڏهن انهن جي ضرورت نه هوندي ته اهي اسڪرين جي اندر ئي جذب ٿي ويندا۔۔ بلڪل هنن تصويرن وانگر۔۔۔ اڙي يارو۔۔! توهان کي يقين نه ٿو اچي ڇا۔۔۔؟ ته پوءِ ٻڌو۔۔ Tactus اسڪرين دراصل Microfluidic ٽيڪنالاجي جو استعمال ڪندي آهي۔۔ جنهن سان هي بٽڻ روايتي ڪيبورڊ وانگر جڳهه ڪونه والارين۔۔۔ بلڪه جڏهن توهان کي ڪيبورڊ استعمال ڪرڻو هجي ته اهي هڪ سيال مادي جي تهه بڻجي بٽڻن جي شڪل ۾ تبديل ٿي ويندا آهن۔۔ هن ٽيڪنلاجي جي مدد سان نه صرف موبائيل فون جي بٽڻ جو خاتمو ممڪن آهي پر ٽيبليٽ ڪمپيوٽرس، ٽي وي ريموٽ، وڊيو گيمز ۽ اهي سموريون ڊيوائيسز جيڪي بٽڻن جو استعمال ڪنديون آهن انهن کي هاڻي ٽچ اسڪرين سان سينگاري سگهجي ٿو۔۔۔ Tactus Technology جي چيف ايگزيڪٽو آفيسر جي مطابق هي ٽيڪنالاجي سال 2013 تائين مارڪيٽ ۾ موجود هوندي ۔۔ هن حيرت ۾ وجهندڙ ٽيڪنالاجي کي وڌيڪ سمجهڻ لاءِ حاضر آهي هڪ ڪارائتي وڊيو۔۔۔
