پکين جي باري ۾ ڄاڻ

[غلام مصطفي ميمڻ]

پکين جي باري ۾ ڄاڻ
اسانجي صاحبزاده بلال مصطفي جي ڊائري ۾ نوٽ ڪيل پکين جي باري ۾ معلومات اوهانجي نظر:_
گويار، اهو واحد پکي آهي جيڪو غار ۾ رهندو آهي۔
شترمرغ ،اهو واحد پکي آهي جنهن مان چمڙو حاصل ڪري سگهجي ٿو۔
همنگ برڊ۔اهو واحد پکي آهي ،جيڪو ٿورو به هلي نه سگهندوآهي پر صرف اڏامي سگهندو آهي۔
ڪيوي، پکي سڀني کان وڌيڪ سنگهڻ جي صلاحيت رکندو آهي۔
پکين جي 18600 قسمون آهن ۔( برٽئينڪا انسئڪليوپيڊيا)
بلبل ، کي هزار داستان به چيو ويندو آهي۔
ڪبوتر ، اهو واحد پکي آهي جيڪو مٿو کڻڻ جي بغير پاڻي پيندو آهي۔
ڪبوتر ۽ ڳيري ، کي امن جي نشاني سمجهو ويندو آهي۔
سنهري باز ، 300 ميل في ڪلاڪ جي حساب سان اڏي سگهندو آهي۔

__________________________ _____________________

وڌيڪ اهم ڄاڻ

” دنيا ۾ سڀ کان وڏي آبشار اينجل آهي۔ “
” دنيا جون اڌ کان وڌيڪ اخبارون امريڪا ۽ ڪينيڍا ۾ ڇاپئجنديون آهن۔“
” دنيا ۾ سڀ کان پهريائين تاريخ يونان (ملڪ) جي لکي ويئي هئي۔“
” انساني جسم ۾ هر سيڪنڊ ۾ 15 ڪروڙا ڳاڙها سيل (خليات) ٺهندا ۽ ختم ٿيندا آهن۔“
” جنگل ۾ باه مٿان کان هيٺين طرف ڏانهن جلدي ڦهلجندي آهي۔“
” آمريڪا جو مجسم آزادي هڪ عورت جو اسٽيچو آهي۔“
” ٽائيگر (شينهن جو هڪ قسم) جي طبعي عمر 18 سال آهي۔“
” شهد جي مک جون نون اکيون هونديون آهن۔“
” روس ۾ بادشاهت 1917 عيسوي ۾ ختم ٿئي هئي ۔“
” سڪندر اعظم 333 قبل مسيحي ۾ مصر کي فتح ڪيو۔“
” قديم چين کي ڪيٿهي (Cathy) جي نالي سان سڏيو ويندو هو۔“
” 1863 عيسوي ۾ ابرهيم لنڪن آمريڪا ۾ غلامي جي خاتمي جو اعلان ڪيو هو۔“
” 6 آگسٽ 1776 عيسوي ۾ آمريڪا جي آزادي جي منشور تي فلاڊيلفيا (اسٽيٽ) ۾ دستخط ٿيا۔“
” چندر گپتا موريا،هندوستان جو پهريون راجا هو۔“
” هندوستان ۾ ظهيرالدين بابر 1526 عيسوي ۾ مغليه سلطنت جي بنياد وڌي“
” برصغير ۾ مڪران جو علائقو سڀ کان پهريائين اسلامي سلطنت ۾ شامل ٿيو۔“

 

[رضوان علي جمالي]

ڪبوتر ۽ ڳيري ، کي امن جي نشاني سمجهو ويندو آهي۔
سائين هن ۾ ٿوري وضاحت ڳيري کي امن جي نشاني سمجهيو ويندو آهي ، توريت جي باب پيدائش جي مطابق جڏهن حضرت نوح عليه سلام بحڪم الله تعالى جي ٻيڙي تيار ڪئي ۽ بعد ۾ بارش سان گڏ طوفان برپا ٿيو ، جيڪو 40 ڏينهن وسندو رهيو ۽ وڏي تباهي آئي ،مينهن بند ٿيو 27 ڏينهن تي حضرت نوح عليه سلام پهاڙي ڪانو کي ٻاهر اڏاريو جيڪو ويو ته موٽي ڪو نه آيو پوءِ 3 ڏينهن تي ڳيري کي اڏاريو جيڪو واپس آيو ته هن جي چنهب ۾ زيتون جي وڻ جي ننڍڙي ٽاري هئي ، يو اين او جو مونوگرام جنهن ۾ امن جي پکي طور اهو ڳيرو ئي آهي جنهن جي چنهب ۾ زيتون جي ٽاري ڏيکاريل آهي ۔

 

[ڏاڏل شينو]

سائين بهترين شيئرنگ۔
وسلام

 

[سليمان وساڻ]

تمام سٺي معلومات ۔۔۔۔۔۔ سچ ته اهڙا ليک اسان جي ميساريل يادن کي ٻيهر تازو ڪري ڇڏين ٿا۔

مهربانيون سائين

 

[عبدالرحيم]

تمام بهترين معلومات آهي

 

[نثارابڙو]

تمام سٺي ڄاڻ آهي ۔۔۔ ننڍڙي کي اسان پاران شفقت ڀريو، مٿي تي هٿ رکندا۔۔۔

ڪبوتر کي به امن جو پکي چيو وڃي ٿو ۔۔۔ ڇاڪاڻ ته ڪبوتر امن واري جاءِ تي رهندو آهي ۽ سڪون واري جڳهه کي پسند ڪندو آهي ۔۔۔ ڳيرو ۽ ڪبوتر لڳ ڀڳ ساڳي فطرت رکندڙ پکي آهن ۔۔۔

ڳيرو گهرن ۾ يا انسان جي ويجهو ڪون رهندو آهي يا وري انسان کيس پاليندو ناهي، پر ڪبوتر انسان جي ويجهو ۽ انساني گهرن ۾ رهڻ کي ترجيح ڏيندو آهي ۔۔۔ ۽ انسان ان کي پالي ٿو۔

 

[عرس پريو]

توهان بهترين ڄاڻ وارا معلوماتي ونڊ ڪري احسان ڪري رهيا آهي ۔۔۔۔۔ ڪيترن دوستن کي اهي شيون ٽيسٽ ڏيڻ وقت يا ٻئي هند ڪم ايندون
بهترين ونڊ

 

[گل شير احمد ڀلائي]

سائين لک لک ٿورا اوھان جا ماشاالله تمام خوبصورت معلومات ونڊ ڪئي آھي