مظلوم قومن جو منظر ڏسو(افضل قادري)

[AZAM AFZAL]

فلسطيني صحرا جا پياسا بکايل​

مظلوم قومن جا انساني ڍانچا​

گولين جي آڏو هو گرنيڊ بڻجي​

آزادي ڪي خاطر هو وڙهندا رهن ٿا​

آزادي گُهرن ٿا آزادي گُهرن ٿا​

​

بمن جا ڌماڪا ۽ گندرف جا دونهان​

باهيون وڪوڙي ويون چؤ طرف کان​

بنا ڪنهن ڪفن جي هو انساني لاشا​

ٻيڙن جي چُر پُر ۽ ڀاڙي جا ڪُتا​

اڃان به انهن کي چڪن ۽ پٽن ٿا​

هو مظلوم قومن جو منظر ڏسو​

رتو ڇاڻ ڌرتي جي حالت ڏسو​

​

ايٽم جي طاقت او انساني قاتل​

ظالم لُُٽيرا او سرمائيدارو​

اقوام متحده جي ڪرسن تي ويهي​

ٿا مظلوم قومن جي تقدير ٺاهيو​

ويٽو هي اسان جي حقن تي هلائي​

پوءِ انسانيت جو علم ٿا کڻو​

وڏا ٺگ آهيو ٺگي ٿا ڪيو​

وڏا ٺگ آهيو ٺگي ٿا ڪيو​

 

[ڏاڏل شينو]

سائين اسان جي ڪمزورين جو نتيجو آهي اسان جي وچ ۾ موجود انارڪين جو فائدو ورتو پيو وڃي مسلمان کي مسلامن جو دشمن بڻائي هو راڄ ڪري رهيو آهي ۔ اسان جي وچ ۾ ڦهليل نفرتون ايتريون ته وڏيو آهن جو اهي ڪڏهن ختم ٿيندي نظر نه پيون اچن ۔ ۽ جيسيتاائين اهي نفرتون موجود آحن تيسيتائين حڪمراني سامراجي قوتن جو حق آهي ۔ بهترين الفاظ جي انساني ضمير کي جنجهوڙين ٿا آخر ائين ڇو آهي؟۔
وسلام

 

[سليمان وساڻ]

جنهن به آزادي گهري آهي، اهو ان ڏکين حالتن مان گذريو آهي، انقلاب گهڻو ڪري رت جي ريج سان ئي ايندا آهن۔ پوء مظلوم قومن کي سلام آهي جيڪي ظالمن سان لڙندا رهيا آهن۔

 

[نثارابڙو]

جيتوڻيڪ هڪ مسلمان جي حيثيت سان اسين فلسطين جي حمايت ڪريونٿا ۽ اسرائيل جي مخالفت ۔۔۔۔ پر جيڪڏهن حقيقت جي عينڪ پائي ٿورو غور ويچار ڪبو ته پنڌ پيرن کان نه پڄي لک لعنت گوڏن تي ۔۔۔ بلڪل سنڌ جي شهر ڪراچي ۾ ڪجهه مثال ته هزارين ڳوٺ سنڌين ۽ بلوچن جا هيا جيڪي اسين ڀڳڙن مٺ تي ڌارين قومن کي کپائي ڏناسون ۽ هاڻ ات ڪلفٽن، ڊفينس، گلشن اقبال ۽ ٻيا علائقا آهن جن جو هڪ هڪ گهر ڪروڙن عربن روپين جي ماليت جو آهي۔ هاڻ اسين ويٺا پٽيون ته ڪراچي اسانجي آهي ڪراچي اسانجي آهي ۔۔۔؟؟؟ پر قانوني طور تي ڪراچي ٻين جي ٿي وئي آهي۔۔۔۔۔

بلڪل اسرائيل ۾ به عربن پنهنجا ڳوٺ يهودين کي ڀڳڙن مٺ تي کپائي انهن پئسن مان لبنان ۾ وڃي شراب پيتا، رنڊيون نچايون ۽ مزا ماڻيا ۔۔۔ يهودي زمين خريد ڪندا ويا ۽ عرب ٻاهر هلندا ويا ۔۔۔ هاڻ کپايل زمين تي وري قبضو ڪرڻ ۾ پنهنجا ٻار ۽ اولاد مارائي رهيا آهن۔

اوهان دوستن کي شايد خبر نه هوندي ته اسرائيل ۾ رهندڙ عرب پاڻ کي عرب 48 سڏرائيندا آهن۔ ڇاڪاڻ ته انهن عربن 1948 ۾ يهودين کي زمينون کپائي نه ڏنيون ۽ هاڻ هو آرام جي زندگي اسرائيل ۾ گذاري رهيا آهن، مسجدون پنهنجيون اٿن، نمازون پڙهن ٿا ۽ هر سال حج تي ايندا آهن بلڪ ان هوٽل ۾ رهندا آهن جنهن ۾ آ ڪم ڪندو آهيان ۔۔۔ اهي فلسطيني عربن جي لا سٺي را ناهن رکندا۔

خئير اهو عربن جو جهيڙو آهي جنهنکي اسان اسلام ۽ يهود جي جنگ ڪري ڏسندا آهيون۔ ۽ اسان جيئن ته مسلمان آهيون انڪري اسانجون همدرديون عرب مسلمانن سان آهن۔۔۔۔

بس الله تعالا ڪنهن قوم کي لالچ ۽ براين کان بچائي جنهن سبب ڪئي قومون ڏکيا ڏينهن ڏسن ٿيون جيئن سنڌي قوم۔۔۔۔۔

 

[نثارابڙو]

هن تصوير مان فلسطين عوام ۽ انهن جي حالت جي ڪجهه جهلڪ نظر اچي ٿي​

 

[AZAM AFZAL]

جي ادا بلڪل هن تصوير ۾ گهڻو ڪجه نظر ٿو اچي فلسطيني عوام بي بس

 

[رضوان علي جمالي]

اوهان دوستن کي شايد خبر نه هوندي ته اسرائيل ۾ رهندڙ عرب پاڻ کي عرب 48 سڏرائيندا آهن۔ ڇاڪاڻ ته انهن عربن 1948 ۾ يهودين کي زمينون کپائي نه ڏنيون ۽ هاڻ هو آرام جي زندگي اسرائيل ۾ گذاري رهيا آهن، مسجدون پنهنجيون اٿن، نمازون پڙهن ٿا ۽ هر سال حج تي ايندا آهن بلڪ ان هوٽل ۾ رهندا آهن جنهن ۾ آ ڪم ڪندو آهيان ۔۔۔ اهي فلسطيني عربن جي لا سٺي را ناهن رکندا۔
عرب 48 هي معلومات مون لئه نئين آهي ، واه ذهن جا تاڪَ کولي ڇڏيا اٿوَ جيئن ته اوهان لکيو اوهان جنهن هوٽل ۾ پنهنجون خدمات ڏيو ٿا اتي اهي عرب 48 اڪثر ايندا رهندا آهن ته انهن جا خيالات اوهان کي قلمبند ڪرڻ گهرجن ۔

 

[AZAM AFZAL]

جي بهتر ادا