حضرت قلندر لعل شهباز جي سالياني عرس مبارڪ جي موقعي تي منقبت (حڪيم دين محمد اڪرم ٻورڙائي )

[ImamBux]

سرموڙ هو صوفين جو ذيشان قلندر ​

خود سنڌ ۾ آيو ٿي مهمان قلندر ​

ميلي ۾ مٺا تنهنجي ھر قوم جا ماڻهون ​

هر شخص ٿيو تنهنجو مهمان قلندر ​

جھمريون ۽ ڌمال آھن هڪ وجد جو عالم​

هو ڪيف ۽ مستي جو خواهان قلندر ​

ساڻيھ جي مٽي کي جنهن سون بڻايو​

ٿي سنڌ سندو يار پيو مان قلندر ​

هڪ لطف و ڪرم آھي جو مونکي ٿو گھرجي ​

مون جھول جھلي آھي ڏي دان قلندر ​

درياءُ سڪي ويو اڄ آھي سنڌ جا سائين ​

اجڙي نه وڃي ڪٿ هي ايوان قلندر ​

سيوھڻ ۾ وسڻ وارا وس پوري وطن تي ​

جيئن سڀڪو چوي آھي درمان قلندر ​

حسرت جا ڪڻا باقي هن دل ۾ ڪي آھن ​

ڏسجي ته ڪري پورو ارمان قلندر ​

نگري ۾ سندس آيو اڄ آھ ته “اڪرم” ​

شايدڪ ڀري مهنجو دامان قلندر ​

 

[سليمان وساڻ]

قلندر شهباز جي عرس جي مناسبت سان تمام سهڻي شيئرنگ آهي۔

 

[عاشق سولنگي]

سائين! تمام بھترين