علم ۽ سوسائٽي کي بچائڻ لاءِ فوجي طاقت (سگهه) جو هجڻ تمام ضروري آهي. جوکيو شفيق احمد

[جوکيو شفيق احمد]

علم ۽ سوسائٽي کي بچائڻ لاءِ فوجي طاقت (سگهه) جو هجڻ تمام ضروري آهي.​

تعليمات افڪار ۽ فلسفه امام انقلاب عبيد الله سنڌي.​

​

شفيق احمد جوکيو.​

​

هڪ علم وارو (ڏاهو مفڪر فلسفي حڪيم) انسان پنهنجي علم کي انساني سوسائٽي لاء فائده (لاڀ) وارو سمجهي ٿو. پوء ان کي جيڪي به ماڻهو ملي ٿو ان کي علم سيکاري ٿو ۽ شاگردن (اسٽوڊنٽس) کي گڏ ڪري انهن جي هڪ جماعت (پارٽي) بڻائي (جوڙي) ٿو ته جيئن سڀ هڪ ٻئي جي مدد ڪن پوء جيڪڏهن اهو مفڪر (فلسفي حڪيم) انسان گهرندو ته ان جي علم کي ڪوبه نه بگاڙي ۽ ان جي ٺاهيل (جوڙيل) جماعت کي ڪير به برباد نه ڪري ته ڇا ان لاء هي ڳالهه ضروري نه آهي ته؛ هو پنهنجي جماعت ۾ فوجي​

طاقت (سگهه) به پيد ڪري!؟​

اتان معلوم ٿيو ته علم پکيڙن لاء حڪومت حاصل ڪرڻ به ضروري آهي.​

​

تفسير الهامُ الرحمٰن،​

في تفسير القرآن،​

سنڌي​

امام انقلاب عبيد الله سنڌي،​

مڪتبه اصلاح و تبليغ،​

هيرآباد مارڪيٽ ٽاور،​

حيدرآباد-سنڌُ.​

​

نوٽ:-​

حڪومت حاصل ڪرڻ لاء فوجي سگهه جو هجڻ لازمي عنصر آهي. شفيق احمد​

​

​

 

[نثارابڙو]

بيشڪ سائين محترم اسين مانواري، ڏاهي محترم امام عبيد الله سنڌيءَ جي ان ڳالهه سان متفق آهيون ته هر قوم، هر نظرئي يا هر سٺي خيال کي اڳتي وڌائڻ لاءِ حفاظتي قدم ضروري هوندا آهن، ۽ هن شيطاني دنيا ۾ حفاظت جو مقصد آهي پاڻ وٽ ويڙهه جي سگهه رکڻ ۔۔۔ ٻي صورت ۾ شيطاني ۽ دشمن قوتون پنهنجي سگهه سان ان قوم، ان فڪر ۽ ان نظرئي کي ختم ڪري ڇڏين ٿيون۔

جڏهن شيطان وٽ ويڙهه جي سگهه آهي ته اوهان وٽ به جيستائين ويڙهه جي سگهه نه هوندي تيستائين مقابلو اڻبرابريءَ جو ٿيندو۔

انساني سماج جي تاريخ اهڙن واقعن ۽ مثالن سان ٽمٽار آهي ۔۔۔۔

 

[سليمان وساڻ]

جوکيي صاحب جون ڳالهيون ۽ شيئرنگ سچ ته سدائين اتساهه واري رهي آهي۔ منهنجي خيال ۾ سنڌين شروع کان وٺي فوج ۾ نه وڃڻ وارو رجهان اڃان به برقرار رکيو آهي۔ مان ڪجهه وقت اڳ فوج ۾ ڪميشن ذريعي ڀرتي وارو اشتهار سنڌ سلامت ۽ فيسبوڪ تي به شيئر ڪيو هو پر ڪنهن به دوست رابطو نه ڪيو۔