اي بوڪ موڪلڻ جو طريقو

[اي جي شيخ]

مون وٽ ڪجهه اي بڪ ڪمپوز ٿيل موجود آهن انهن کي سنڌ سلامت تي موڪلڻ جو طريقو ٻڌائيندا ته مهرباني اوهان جو شڪر گذار عبدالجبار شيخ اسسٽنٽ پروفيسر گورنمينٽ اسلاميه سائنس ڪاليج سکر

 

[عبدالحفيظ لغاري]

اوهان اهي ڪتاب ڪنهن به فري اپلوڊنگ سائيٽ تي وڃي اپلوڊ ڪري انهن جو لنڪ هتي ڏيئي سگهو ٿا۔ پر سنڌ سلامت جي هن نئين سافٽ ويئر اچڻ کان پوءِ اهي سڌو سنئون پڙهڻ (بنا ڊائونلوڊ ڪرڻ جي) ٿورو مشڪل ٿي پيو آهي، انهي جو حل انتظاميه اهو ڪڍيو آهي جو انهن کي گوگل ڊرائيو تي شيئر ڪري انهي جو لنڪ ڏي ٿي پئي۔ گوگل ڊرائيو انسٽال ڪرڻ ۽ انهي کي استعمال ڪرڻ به ڪو ايڏو سؤلو ناهي۔ توڙي جو ذيشان رشيد صاحب انهي جو هڪ آسان ٽيوٽوريل پنهنجي هڪ موضوع ۾ ڏنو آهي۔
بهرحال اوهان کي انهن مان جيڪو سؤلو لڳي اهو ڪريو۔ نه ته ڪتاب سليمان وساڻ کي ايي ميل ڪريو ته هو اوهان کي گوگل ڊرائيو تي اپلوڊ ڪري انهن جا لنڪ ۽ ڪوڊ موڪليندا۔ جيڪي اوهان ڪتاب گهر سيڪشن جي نئون موضوع ۾ وڃي شيئر ڪري سگهو ٿا۔ جي ڪا ڪمي پيشي هوندي صحيح پس منظر اچڻ يا ڊائونلوڊ واري آپشن ۾ ته انتظاميه صحيح ڪري وٺندي۔ اوهان مهرباني ڪري ڪتاب شيئر ڪرڻ کي وسارجو نه۔ ڪنهن به طريقي سان۔ اوهان وٽ هڪ دفعو لنڪ اچي وڃي ته پوءِ هيٺ ڏنل اسڪرين ۾ گول ۾ موجود نشان تي ڪلڪ ڪري لنڪ ڏيئي سگهو ٿا۔

 

[عبدالرحيم]

ادا عبدالحفيظ تمام بهترين انداز ۾ سمجهايو آهي۔
هڪ ويب سائيٽ آهي جنهن جو مقصد ئي اي بڪ يا ڪتاب اپلوڊ ڪرڻ آهي توهان پنهنجو اڪائونڊ ان ويب سائيٽ تي ٺاهيو ۽ پنهجا ڪتاب اپلوڊ ڪري هن فارم تي ونڊ ڪريو۔

http://www.scribd.com/

 

[سليمان وساڻ]

مون وٽ ڪجهه اي بڪ ڪمپوز ٿيل موجود آهن انهن کي سنڌ سلامت تي موڪلڻ جو طريقو ٻڌائيندا ته مهرباني اوهان جو شڪر گذار عبدالجبار شيخ اسسٽنٽ پروفيسر گورنمينٽ اسلاميه سائنس ڪاليج سکر

محترم سائين عبدالجبار شيخ صاحب سڀ کان پهريان ته اوهان کي سنڌ سلامت جي سهڻي ۽ محبتي اڱڻ تي ڀليڪار ڪيون ٿا۔

سچ پڇو ته منهنجي لاء اها تمام گهڻي حوصلا افزائي ۽ اتساهه واري خبر آهي ته اوهان ڪتاب ڪمپوز ڪيا آهن۔ شايد اوهان جو ڪم ساس سٽي سکر جي ويب تي پڻ ڪيل هيو؟ اوهان کي عرض آهي ته سنڌ سلامت تي ڪتاب ڊائريڪٽ يا سڌو سئون ڏيکارڻ جي سهولت ناهي، تنهنڪري اسان گوگل ڊاڪس تي اپلوڊ ڪري هتي لنڪ ڏيندا آهيون۔ اوهان چاهيو ته ڪتاب پاڻ اپلوڊ ڪيو يا وري مونکي اي ميل ڪيو، مان اوهان جي ئي نالي ۽ اوهان جي ٿورن سان سنڌ سلامت ڪتاب گهر جي زينت بڻائيندس۔

اڄ مونکي ڏاهپ پبليڪيشن لاڙڪاڻو جي محترم رياضت ٻرڙو ۽ سائين الطاف شيخ صاحب هندستان بابت ٻه سفرناما موڪليا آهن۔ جيڪي جلد سنڌ سلامت ڪتاب گهر جي زينت بڻبا۔ اوهان چاهيو ته مونکي هيٺين اي ميل تي پنهنجو نمبر، اي ميل يا ڪتاب موڪلي سگهو ٿا۔

sulemanwassan@gmail.com
sulemanwassan@hotmail.com

لک ٿورا ۔۔۔۔ سنڌ سلامت ساٿ سلامت

 

[رشيد سمون]

سڀ کان پهريان هتي ڪلڪ پنهنجي گوگل اڪائونٽ ذريعي گوگل ڊاڪ تي لاگ ان ٿيو۔۔۔۔

۽ ڪتاب کي اپلوڊ ڪريو۔۔۔

​

​

ڪتاب اپلوڊ ڪرڻ کان پوءِ شيئر بٽڻ تي ڪلڪ ڪري ڪتاب کي پبليڪلي ڏسڻ تي ڪلڪ ڪريو۔۔۔

​

جنهن کان پوءِ يو آر ايل منجهان آئي ڊي برابر کان پوءِ موجود آئي ڊي ڪوڊ کي gdoc جي بي بي ڪوڊ سان سنڌ سلامت تي لڳايو۔۔۔

​

جيڪڏهن ڳالهه سمجهه ۾ نه اچي گوگل ڊاڪ جو مڪمل يو آر ايل لڳايو۔۔۔ انتظاميا طرفان توهان جي ڪتاب کي سڌو سئون ڏيکارڻ جو انتظام ڪيو ويندو۔۔۔

 

[TAHIR SINDHI]

سائين ذيشان رشيد صاحب اوهان جي مهرباني ان طرح مون سميت ڪافي دوستن جو ڀلو ٿي ويو، لک لائق۔
سائين سليمان وساڻ صاحب جن جون خدمتون به قابل تعريف آهن، ڌڻي کين وڌيڪ توفيق ڏئي، آمين۔۔۔

 

[عبدالرحيم]

ادا ذيشان تمام بهترين انداز ۾ سمجهايو آهي ته ڪتاب گوگل ڊراو تي ڪيئن اپلوڊ ڪجن۔

 

[منظور ڪلهوڙو]

سنڌ سلامت جي هن سهڻي پليٽ فارم تي سڀني سڄڻن جي هيڏي محبت مان اندازو لڳائي سگهجي ٿو ته سڀ هن اڱڻ سان ڪيتري حب رکن ٿا، سچ پڇو ته گهڻو ڪجهه هتان سکيو سين، گهڻو ڪجهه پرايو سين، گهڻو ڪجهه پڙهڻ لا هتان ئي مليو،جيڪو اڳ انٽرنيٽ تي نه پڙهي سگهيا يا سکي سگهيا هئا سين، مونکي ڪمپيوٽر تي سنڌي ۾ لکڻ جو گهڻو شوق هوندو هو، پر اها خواهش سنڌ سلامت پوري ڪئي هاڻ مان تيزي سان پنهنجي ٻولي ۾ لکي به سگهان ٿو، سهو سڀ سنڌ سلامت جي بدولت آهي، هتي موجود نگراني ڪندڙ تمام جس لهڻا جن جي ڏاهپ  هن اڱڻ سان سڪ ئي اسان سڀني کي ڳنڍيو بيٺي آهي، تڏهن ئي ته هرڪو پنهنجي صلاحيتن مان سنڌ سلامت کي سنوارڻ گهري ٿو، اسان به هر ويل اها ئي ڪوشش ڪندا آهيون ته اهڙو ڪجهه سنڌ سلامت فورم لا ڪيون جيڪو هڙني سڄڻن جي دل وٽان هجي، پر وقت  ڪم ڪارين سببان اهو ڪجهه نٿا ڪري سگهون جيڪو اسان کي ڪرڻ گهرجي، پر شابس هجي انهن سڀني سڄڻن کي جيڪي پنهنجو قيمتي وقت ڪڍي گهڻو ڪجهه ڪرڻ ۾ هر ويل رڌل آهن۔

 

[سليمان وساڻ]

سائين عبدالجبار شيخ صاحب جا لک ٿورا جنهن ٽي ڪتاب ڪمپوز ڪري مونکي اي ميل ڪري موڪليا آهن۔ انهن جي سيٽنگ ڪري جلد سنڌ سلامت ڪتاب گهر جي زينت بڻائينداسين۔

محترم الطاف شيخ صاحب به پنهنجا ٻه سفرناما ڪمپوز ٿيل موڪليا آهن جيڪي به جلد سنڌ سلامت ڪتاب گهر جي زينت بڻبا۔

سائين جي ايم سيد جا ٽي ڪتاب سنڌ ڳالهائي ٿي، سنڌو ديش ڇو ۽ ڇا لاء ۽ نئين سنڌ لاء جدوجهد ڪمپوز ٿي رهيا آهن۔ دوستن کي گذارش آهي ته پنهنجي طرفان پنهنجي پسند جو ڪو به هڪ ڪتاب ڪمپوز ڪري موڪلين، ته سندن احسان ٿيندا۔

 

[عرس پريو]

ادا عبدالحفيظ تمام بهترين انداز ۾ سمجهايو آهي۔
هڪ ويب سائيٽ آهي جنهن جو مقصد ئي اي بڪ يا ڪتاب اپلوڊ ڪرڻ آهي توهان پنهنجو اڪائونڊ ان ويب سائيٽ تي ٺاهيو ۽ پنهجا ڪتاب اپلوڊ ڪري هن فارم تي ونڊ ڪريو۔

http://www.scribd.com/

مون کي هڪ ڪتاب سڪرابڊ تي نظر آيو پر هتي موڪلي نه سگهيم

 

[عبدالرحيم]

ادا عبدالحفيظ تمام بهترين انداز ۾ سمجهايو آهي۔
هڪ ويب سائيٽ آهي جنهن جو مقصد ئي اي بڪ يا ڪتاب اپلوڊ ڪرڻ آهي توهان پنهنجو اڪائونڊ ان ويب سائيٽ تي ٺاهيو ۽ پنهجا ڪتاب اپلوڊ ڪري هن فارم تي ونڊ ڪريو۔

http://www.scribd.com/

مون کي هڪ ڪتاب سڪرابڊ تي نظر آيو پر هتي موڪلي نه سگهيم

ادا توهان سڀ کان پهرين پنهنجو آڪائونٽ ٺاهيو اسڪرابڊ تي ان کان پوئي توهان اپلوڊ ڪري سگهو ٿا۔

 

[عبدالرحيم]

اسڪرابڊ ۾ اڪائونڊ ٺاهڻ لائي هيٺين لنڪ کي فالو ڪريو۔
http://www.slideshare.net/akashabanks/how-to-make-a-scribdcom-account-12508253