ڀون ڀلاري کي مان ڀلايان اهڙو ناهيان اهڙوناهيان (اڪرم ٻورڙائي)

[ImamBux]

ڀون ڀلاري کي مان ڀلايان اهڙو ناهيان اهڙوناهيان​

ديس ڇڏي پرديس وسايان اهڙو ناهيان اهڙوناهيان​

​

سرڪ سنڌو مان پي سوائي ان الحق ٿي وات وائي​

مان نه سولي تي سچ سڻيان اهڙو ناهيان اهڙوناهيان​

​

ديس پنهنجي جو ٻچو ٻچو هوشو هيمون آھي دودو​

گيت انهن تي مان نه ٺاهيان اهڙو ناهيان اهڙوناهيان​

​

وقت هزارين آيا ويئڙا ناڻي دودو ڪين وڪاڻا ​

ويهي هر کر هنئين هنڍايان اهڙو ناهيان اهڙوناهيان​

​

ڏاڍي ڏٻري ڏيھ ڏاڍاڻي رمز انهيءَ کي ڪير ٿو ڄاڻي​

ڳالهيون ڳجھڙيون ويهي وايان اهڙو ناهيان اهڙوناهيان​

​

جنهن جو کائون تنهنجو ڳايون ملڪ جا مانجھي مارو آهيون​

ڌرتي هن جومان نه سڏايان اهڙو ناهيان هڙوناهيان​

​

پنهنجي ڀلي لاءِ هرڪو سوچي لال لهي جو لالڻ لوچي ​

ويهي وطن ۾ واندو کاوان اهڙو ناهيان هڙوناهيان​

​

سنڌ جو مانجھي آھيان مان سنڌي جي ڌرتي سوني ڌرتي​

مان جڳ نه ان کي جاني ڳايان اهڙو ناهيان اهڙوناهيان​

​

ڌرتي هن ۾ آھي قلندر ڌرتي هن ۾ نوح آ سرور​

شان ان جو مان نه ڳايان اهڙو ناهيان اهڙوناهيان​

​

هتي ڀٽائي“اڪرم” ڀلارو سچل بيدل حمل هاڪارو​

شعر انهن تي مان نه ٺاهيان اهڙو ناهيان اهڙوناهيان

 

[جاويد حسين]

واه امام بخش غضب جي شاعري آهي.

ديس ڇڏي پرديس وسايان اهڙو ناهيان اهڙوناهيان

هتي ڀثائي “اڪرم” ڀلارو سچل بيدل حمل هاڪارو​

شعر انهن تي مان نه ٺاهيان اهڙو ناهيان اهڙوناهيان

ناياب سٽون آهن.