سنڌڙي سنڌڙي ڪيئن ٿيان ۔۔۔ !

[شاهجهان سُميل]

مان سنڌڙي سنڌڙي ڪيئن ٿيان ۔۔۔۔۔ ! ​

(شاهجهان سُميل)​

​

اي جيجل تو ۾ سُور گهڻا ​

۽ ديس تنهنجي جا پُور گهڻا​

هتي ماڻهو ڀي مجبور گهڻا​

۽ ڌاريا ڏاڍا زور گهڻا​

مان ڪهڙي تنهنجي ڳالهه ڪيان​

۽ ڪهڙا تنهنجا درد ونڊيان​

مان سنڌڙي سنڌڙي ڪيئن ٿيان​

مان جيجل جيجل ڪيئن ٿيان ​

​

​

هڪ جيجل تون هڪ جيجل سا​

بستر تي سُتل هئي بي پرواهه​

وئي ڪُسجي رات سان بي گناهه​

بس لالچ لوڀ ۽ پئسي لا​

هُن ماري ننڍڙن ٻچڙن ما​

۽ ائين چيائين ڪاري آ​

تنهن ڌينئر جا ڪسجي رات وئي​

مان ڪهڙو ان جو داد ڪيان ​

۽ د رد سندو فرياد ڪيان​

مان سنڌڙي سنڌڙي ڪيئن ٿيان​

مان جيجل جيجل ڪيئن ٿيان ​

​

​

اڄ سنڌو تنهنجو ٻيٽ بڻيل​

۽ ڌرتي جي آ سينڌ سُڪل​

ڪجهه گهائو ڌارين جا بخشل​

ڪجهه ٿورا پنهنجن جا به ڪيل​

ڪلهه سائو اڄ صحرا آ بنيل​

ڪلهه سون سان اڄ واري سان سجيل​

هر واهه ندي بس ڌوڙ لٽيل​

مان ڪيئن تن جي ڌوڙ اُگهيان​

۽ آب سندو آباد ڪيان​

مان سنڌڙي سنڌڙي ڪيئن ٿيان​

مان جيجل جيجل ڪيئن ٿيان ​

​

​

مان پيٽ بکايل هاري جي​

۽ ماني پنندڙ ناري جي​

مان ديس جي هر دکياري جي​

۽ سڪل سنڌو جي واري جي​

بي ڏوهي ڪسندڙ ڪاري جي​

يا حاڪم کان بيزاري جي​

يا پنهنجن جي غداري جي​

ڏس ڪنهن ڪنهن جي مان ڳالهه ڪيان​

۽ ڪنهن ڪنهن جو مان نان کڻان​

مان سنڌڙي سنڌڙي ڪيئن ٿيان​

مان جيجل جيجل ڪيئن ٿيان​

​

​

اي مالڪ تو کان آهي دعا​

جا گهري ڀٽائي گهوٽ دعا​

هر وات ۾ آهي ساڳي صدا​

جا سنڌ گهري ٿي صدين کان​

ڪر غيرت جي سا واڳ عطا​

اي مالڪ تو وٽ کوٽ نه آ​

ڪر سنڌو سيني آب عطا​

ڪر سميل مٿي ڪو مهر خدا​

هر جهولي ڀر هر عرض اگها​

اي مالڪ منهنجي سنڌ بچا​

اي خالق منهنجي سنڌ بچا (آمين)​

​

 

[سليمان وساڻ]

اي جيجل تو ۾ سُور گهڻا​

۽ ديس تنهنجي جا پُور گهڻا​

هتي ماڻهو ڀي مجبور گهڻا​

۽ ڌاريا ڏاڍا زور گهڻا​

مان ڪهڙي تنهنجي ڳالهه ڪيان​

۽ ڪهڙا تنهنجا درد ونڊيان​

مان سنڌڙي سنڌڙي ڪيئن ٿيان​

مان جيجل جيجل ڪيئن ٿيان​

خوبصورت شاعري

شاهجهان سُميل جا نظم ۽ شاعري پنهنجو مٽ پاڻ پر سندس سنڌ امڙ لاء ڪيل هي شاعري ۽ ان جي هر سٽ لازوال آهي۔ سنڌ جا سور، سنڌ جي ڳالهه ، سڀني جو آواز، سڀني جي ڳالهه۔

 

[شاهجهان سُميل]

قرب ادا وسا ڻ ۔۔۔ !