ورلڊ باڪسنگ ايسوسيئيشن طرفان پاڪستاني نزاد برطانوي باڪسر کي لائيٽ ويلٽر ويٽ چيمپيئن جو خطاب واپس ڪري ڇڏيو۔۔ آمريڪن باڪسر ليمونٽ پيٽرسن 10 ڊسمبر 2011 تي هڪ متنازع مقابلي ۾ عامر کي شڪست ڏني هئي جنهن سان عامر ڊبليو بي اي ۽ آئي بي ايف ٽائيٽل وڃائي ويٺو هو۔۔ ميچ کان پوءِ عامر کي ججن جي فيصلي تي اعتراض هيو ۽ ورلڊ باڪسنگ ايسوسيئيشن معاملي جي تحقيق کان پوءِ مقابلي کي ٻيهر ڪرائڻ جو حڪم ڏنو هو۔۔۔ پر اهو مقابلو ٿي نه سگهيو جو ليمونٽ جو ڊرگ ٽيسٽ واڌو آيو هو۔۔ جنهن کان پوءِ باڪسنگ انتظاميه عامرکي سندس وڃايل ٻئي ٽائٽل واپس ڪري ڇڏيا۔۔ دوستن جي دلچسپي لاءِ ٻڌائندو هلجي ته عامر پنهنجي ڪيريئر ۾ ڪل 26 مقابلا کيڏيا آهن ۽ انهن مان 24 کٽيا آهن۔۔۔ وري 24 کٽيل مقابلن کي ڏسجي ته انهن مان 18 مقابلن ۾ عامر مخالف رانديگر کي ناڪ آئوٽ ڪيو آهي۔۔ عامر جي هڪ راند جو منظر
ورلڊ ٽائٽل لاء هاڻي عامر جو مقابلو آمريڪا جي ڊيني گارسيا سان آهي جيڪو به 23 مقابلن ۾ ناقابل شڪست رهيو آهي۔ ڏسون ته عامر پنهنجي ٽائٽل جو بچاء ڪرڻ ۾ ڪامياب ٿئي ٿو يا نه ؟
