انٽرنيٽ يا لائبريري

سڀ کان پهرين ته اوهان کي مبارڪون هجن جو ٿيسس لاءِ اهڙي بهترين ٽاپڪ جي چونڊ ڪئي اٿو۔ ۽ هاڻي اوهان جي سوال جو جواب۔

پيارا هنن ٻنهي شين جي تقريبن برابري واري اهميت آهي۔ جنهن جو اندازو انهي مان به لڳائي سگهجي ٿو ته اوهان کي ٿيسس لاءِ هي ٻه تجويزون ۽ انهن تي دليلن سان گڏ راءِ وٺڻ لاءِ چيو ويو۔ هاڻي جڏهن اهميت برابر آهي ته جواب ڏيڻ به ڏکيو ٿي پيو۔ پر پوءِ به هڪ سوال جو هڪ ئي جواب ٿيندو ڪي ٻه ٽي نه ٿيندا۔ سو منهنجو جواب آهي انٽرنيٽ! پر۔ ۔ ۔ ۔ ۔ ۔ ۔ ۔ ۔!

اهو تڏهن جڏهن مون کي سائنس جي ڪنهن شعبي لاءِ تحقيقي مواد يا ڪتاب گهرجن۔ جيڪي لائبريرين بجاءِ انٽرنيٽ تي موجود آهن۔ پر جيڪڏهن آئون سنڌي زبان جي لٽريچر جي ڳولا ۾ آهيان ته يقينن مون کي لائبريري جو رخ ڪرڻو پوندو ڇو ته سنڌي ڪتاب دوستن جي ڪوششن سان ڪجهه ادارن (جنهن ۾ سنڌي ادبي بورڊ سرِ فهرست آهي) انٽرنيٽ تي اچڻ شروع ته ٿيا آهن پر پوءِ به اڃان لائبريرين ۾ مواد گهڻو موجود آهي۔

 

ٻئي موضوع گهڻو اهم آهن، هاڻي اهو اوهان تي منحصر آهي ته ڪهڙي سبجيڪٽ ۾ اوهان جي وڌيڪ دلچسپي آهي۔ جيڪڏهن اوهان لائبريري تي ٿيسز لکو ٿا ته اهو به هڪ بهترين سنجيڪٽ رهندو ۽ مان ان کي وڌيڪ ترجيح ڏيندس۔

باقي فيصلو اوهان کي ئي ڪرڻو آهي، پر سوچي سمجهي ۽ پنهنجي من کان پڇي ڪجو۔