مون کي هارائي خوش ٿو ٿئين، کلين ٿو؟ متان اهو گمان هجئي ته تون مونکي هڪ ڀيرو هارايو ته مطلب تون بار بار مونکي شڪست ڏيندين، ائين هر گز نه ٿيندو .... منهنجي هر هار سان منهنجا حوصلا وڌيڪ بلند ٿين ٿا ۽ تنهنجي هر سوڀ سان توکي هارائڻ جي منهنجي جستجو ۾ شدت پيدا ٿئي ٿي. اها ڳالھ ياد ڪري ڇڏ ته تو تي مان ئي هاوي ٿيندس ۽ توکي هميشه لاءِ زير ڪري ڇڏيندس ۽ توکي مان شڪست ڏيندس ۽ اها ئي حقيقت آهي. (پنهنجو پاڻ ۾ موجود منصور جي ٻئي روپ سان ڳالھ ٻولھ)
جيت جيت ڪي عمر گذاريئي، هُڻ تي هار فقيرا جيتي دا مُلهه اڪ تسيرا، هاري دا مُلهه هيرا۔ هاڻ مون سمجهي نه سگهيو آهي ته توهان ڪهڙي منصور کي هارائڻ چاهيو ٿا، اهو جيڪو توهان جي اندر ۾ آهي يا اهو جيڪو ظاهري نفس ۾ نهوڙيل آهي۔ اهو واضح ڪندا۔۔۔
همت ۽ حوصلو پيدا ڪجي ته يقينن ڪاميابي قدم چمندي آهي۔ بادشاهه بروس ۽ ڪوريئڙي جي ڳالهه هميشهه ذهن ۾ رهندي آهي۔ ياد رکو ته نئين سر حڪمت عملي، جوش ولولو ۽ حوصلو اوهان کي ضرور ڪاميابي عطا ڪندو۔ اوهان جون سهڻيون سٽون۔
