بيت الله شريف ۾ پاڪستاني خادم ڪبوتر کي پاڻي پياري رهيو آهي، ياد رهي ته هن تصوير کي عرب فورمن ۽ سوشل نيٽ ورڪ کان علاوه سعودي ڊيلي اخبارن ۾ اڄ ڪلھ تمام گهڻي پذيرائي ملي رهي آهي۔ اوهان به ڏسو ۽ سبحان الله چئو!
ڪجهه ڏينهن اڳ مڪي پاڪ ۾ موسم گردآلود ۽ سخت گرم هيو، جنهن سبب ڪيترائي ڪبوتر گرمي سبب مئل نظر آيا، پاڻ به منصور پل تان گذرندي هڪ ڪبوتر کي پڪڙي پاڻي پياريو، پر افسسوس سندس عمر ختم هئي انڪري آخري ڍڪ پي الله کي پيارو ٿي ويو ۔۔۔ سبحان الله ۔۔۔انسان ۽ پالتو جانورن ۽ پکين جو رشتو به عجيب ۽ پيارو آهي ۔۔۔
بلڪل سائين هن کي ان شاء الله پنهنجو اجورو ملندو، ۽ مڪي پاڪ بيت الله شريف جي هن خادم جي چهري تي جيڪو نور نظر اچي رهيو آهي اهو صاف عيان آهي۔ تاريخ ۾ اچي ٿو ته حضرت عمر بن عبد العزيز جي دور پهاڙن جي چوٽين تي به داڻا رکيا ويندا هئا تاڪه پکي کائن۔ اسان به جيڪڏهن ٿوري ڪوشش ڪري پنهنجي گهرن ۾ يا گهرن جي ڇتين تي پکين لا پاڻي رکون ته يقينن وڏو ثواب ڪمائي سگهون ٿا۔
ماشاالله اهو به قدرت جو هڪ سٺو سبق آهي ته هُن جي گهر ۾ هر ڪنهن جي خدمت ٿيندي آهي۔ انسان کان وٺي پکي پکڙ جي به مدد ٿيندي آهي۔ جزاڪلاه۔ سبحان الله۔
پکي پکڻ جاندار آهن جن جو خيال فقط حساس ماڻهو ئي ڪري سگهن ٿا۔۔ عام شخص ته انسان جو ئي خيال نه ٿا ڪن۔۔۔۔ سلام آهن هن جهوني سائين کي
سبحان ا لله۔۔۔۔ پکي ۽ فقير ثمر کڻن ساڻ، پکي چڳن چهنب سان، فقير ڪشتو کڻن ساڻ، الله اهڙو پکي آڻ جيڪو آس لاهي هنن اکين جي.
رحمت اللعالمين جا امتي آهيون جو انسان ، جنات ، حيوان ، حشرات ۽ وڻ ٽڻ لاءِ به رحمت هو ۔ سندس نائب وصي اميرالمومنين حضرت علي عليه سلام پنهنجي شهادت وقت پنهنجن شهزادن کي وصيت ۾ سڀ کان پهريائين وصيت بدڪن جي ڪئي آهي ، جي اوهان انهن جي ان پاڻي جو ذمو کڻو ٿا ته پوءِ انهن کي گهر ۾ رَکو نه ته منهنجي شهادت کان پوءِ انهن جو دروازو کولي ڇڏيو هو پاڻمرادو هلي وينديون ۔
