نذرانه عقيدت سچل سرمست (حڪيم دين محمد اڪرم ٻورڙائي)

[ImamBux]

نذرانه عقيدت سچل سرمست (حڪيم دين محمد اڪرم ٻورڙائي)​

غفلت وجود کي غير بڻائي​

هر ماڻهون هتي صوفي ٿو سڏئي​

​

سرموڙ هو صوفي صوفين جي جھان جو​

حِلاج ڪڏهن سچل منصور چوائي​

​

سرمست ڪيف ۽ مستي ۾ ٿي مڌهوش​

هر پردئي حجاب ڇڏيو هُن هٽائي​

​

هن پاڻ ۾ هو سڀ ڪجھ پاڻ ئي ڄاتو​

ساعت نه هڪ خدا کي ويٺو ڀلائي​

​

مدهوش هوش ور ۽ هوش ۾ مدهوش​

وحدت ٿو راڳ ۾ نوان رنگ رچائي​

​

تصوف فلسفي مستي عاشقي ۾​

موجود حق سدا موجود سڏائي ​

​

هُو ڪشف ۽ شهود جا راز ۽ ڳالهيون ​

سڀ ڪشف ۽ شهود سان ظاهر ٿو ٻڌائي​

​

سرمست هو سچل مجذوب ۽ سالڪ​

آڪاش راز سڀ ڌرتي تي سڻائي​

​

ماڻهن ڏي جنهن ڏٺو وحدت جي نظر سان ​

ڪافر توڙي مومن جو فرق مٽائي​

سرمست هيرو هو مسلم ۽ هندو جو​

سرمست جو ڪلام هرڪو پيو ڳائي​

​

تصوف ۽ روشني هي غير قبولي ​

روحاني تاثرات پنهنجي پرائي​

​

سرمست جي زبان سرمست نظر ۾​

ڪو فرق ناهي حق سچ ٿو ڳالهائي ​

​

اسرار اونهو هو پيغام سچل جو ​

جو شعر ۾ ڪري اظهار ٿو ڳالهائي ​

​

اڪرم به قادري قادري سچل ڀي​

وجداني حال ۾ چشتي ٿو سڏائي​

​

“اڪرم” مقام ڇا سرمست جو ڄاڻي​

هم است هم اوست ڇاڇا پيو سڏائي ​

​