خوشيون سڀ عيد جون کائي مهانگائي وئي آھي (حڪيم دين محمد اڪرم ٻورڙائي)

خريداري جي سوچن ۾ گذاريندين ته خوش هوندي​

ايئن بس عيد هيلو ڪي گسائيندين ته خوش هوندين​

​

نه لالچ سَيُن جي رکجاءِ نه مرغي جي پرين پيارا ​

پٽاٽن ۾ پلاءُ ملندئي جي کائيندي ته خوش هوندين​

​

آھي موسم پلي جي اڄ ڳنر ۽ ساڳ جي سهڻا​

اڇي ماني اڇا چانور کائيندين ته خوش هوندين​

​

دڪانن تي چڙهي بيگم ڪري جو ساڻ ٿو ساٿي​

ائين منصور جان کلڙي کلائيندي ته خوش هوندين​

​

پائي ڪاٽن پرين ڪپڙا گھمي ٿو ٻانهن لوڏي ڏس​

نه ٿس طاقت وٺڻ جي اگھ پڇائيندي ته خوش هوندين​

​

خوشيون سڀ عيد جون کائي مهانگائي وئي آھي​

اچي جي عيد مونسان تون گڏ گذاريندين ته خوش هوندين​

​

اڇي ڏاڙهي اڇو پٽڪو مگر دل پوءِ به جوان آھي​

گڏي گوڏو ويهي مونڏي نهاريندين ته خوش هوندين ​

​

سڄو بس سال منٿون مون ڪيون ته پنهنجي ڀورل کي ​

اچي جي عيد تون مونسان گذاريندين ته خوش هوندين ​

​

بهاني عيد جي گھر ۾ سڀاڻي قافلا ايندا ​

نهاري يار پايا تون رڌائيندين ته جوش هوندين​

​

پروڪي عيد جون ڳالهيون ڪبيون هن عيد ۾ “اڪرم”​

چنڱايون چاشنيون پَرُ جون ڀلائيندين ته خوش هوندين.​

​

​

​

 

ادا تمام بهترين شائري آهي