اسين حال هيڻان اوهان جي خدائي وڏي ڳالهه آهي : شمشير الحيدري

[سليمان وساڻ]

شمشير الحيدري

اسين حال هيڻان ​

اوهان جي خدائي​

وڏي ڳالهه آهي​

​

هلي پئي اڃان​

زندگيء جي لڙائي ​

وڏي ڳالهه آهي​

​

انڌيرن ۾ پلجي ​

پئي روشنائي​

اڃان وقت کي پيئي ​

ڳولهي سچائي​

وڏي ڳالهه آهي​

​

اوهين حسن تي ​

پنهنجي نظرن جا پهرا​

اڃان تيز ڪريو ​

ڪريون پيا اسين ​

عشق جي رهنمائي​

وڏي ڳالهه آهي​

​

​

زماني جا منصور آهيون​

اسين خوب مشهور آهيون​

اسان سورين تي​

نظر بند جهڪائي​

وڏي ڳالهه آهي​

​

نگاهون کڻي داد جي لاء​

مرڪڻ جي ڪهڙي ضرورت​

اوهين آهيو سهڻا​

اوهان جي اهائي​

وڏي ڳالهه آهي​

​

​

​

 

[علي ظفر]

تمام بهترين سائين

 

[نثارابڙو]

اوهين حسن تي​

پنهنجي نظرن جا پهرا​

اڃان تيز ڪريو​

ڪريون پيا اسين​

عشق جي رهنمائي​

وڏي ڳالهه آهي​

ڇا ته لفظ آهن، ڇا ته تخيل آهي ۔۔۔ سلام اي سنڌ جا سهڻا شاعر!!!!​

 

[عرس پريو]

واه واه وڏي ڳالهه آهي وڏي ڳالهه آهي،
تمام خوبصورت الفاظ عابده پروين جي آواز به موهي وڌي

لاجواب ونڊ