منهنجي ڏات ڏنگيندي رهندئي

[معظم افضل]

ڌرتي خاطر گيت لکيم جي
دل مان نڪتا چيري دل کي
واڪ انهن تي ڏيندو ڪير
باه ڀلا هي وٺندو ڪير

سياسي سوچ ۽ لوچ جا مالڪ
ڄاڻا ٿو مان تنهنجي سياست
سياست تنهنجي ڪوڙي آهي
جنهن ۾ ڪا به صداقت ناهي
ڪيڏا مارون قيد ڪيا ٿئي
آخر ڪهڙو ڏوه ڏٺو ٿئي
ويڻ ڀلا کئين وسرن تنهنجا
پنهنجن سان ڇو وير وڌو ٿئي

ڪرسي خاطر ڪيستائين
ڪنهن کي ڪنهن کي قيد ڪندين تون
پنهنجي جرئت جهڪڻي ناهي
معافي توکان گهرڻي ناهي
پر او بزدل ياد رکي چڏ
ديس جي ڌرتي ناهي مرڻي
جهڙي ڪرڻي تهڙي ڀرڻي
منهنجي ڏات ڏنگيندي رهندئي
چڪن ساڻ پٽيندي رهندئي
آڌي رات اٿاري توکي
منهنجي ڏات ڏنگيندي رهندئي
منهنجي ڏات ڏنگيندي رهندئي