غلام علي شاهه
سينيئر رڪن
سنڌي ادبي سنگت سنڌي ٻولي کي سنڌ جي قومي ٻولي جو درجو ڏيارڻ لا۽ هڪ دفعو ٻيهر مطالبو ڪيو آهي. ٽنڊو محمد خان ۾ سنڌي ادبي سنگت جي 53 هين سالگره جي تقريب ڪوٺائي وئي. سالگره جي تقريب جي خاص مهمان مزاحمتي ، قومي شاعر مشڪور ڦلڪارو خطاب ڪندي چيو ته سنڌي ادبي سنگت سنڌي ادب جي جاڳرتا لا۽ قومي قردار ادا ڪيو آهي. جنهن ۾ اديبن کي پنهجي گروهي مفادن بجا۽ سنڌي ادب جي تاريخي حيثيت کي قائم ۽ دائم رکڻ لا۽ پنهجو عملي قردار ادا ڪرڻو پوندو. هن چيو ته سنڌي ٻولي دنيا جي عظيم ٻولي آهي. جنهن جي هزارين سال پراڻي تاريخ ان جي زنده هجڻ جو ثبوت آهي. تقريب کي سنڌي ادب تي پي ايڇ ڊي ڪندڙ پروفيسر قادر بخش مگسي ، ڊاڪٽر عزيز ٽالپر ، تاج ٽکڙائي ، سارنگ شاهه ، انعام ٽکڙائي ، منظور عادل سومرو ، نوشاد ڀٽي ، ۽ ٻين پڻ خطاب ڪندي چيو ته سنڌي ادب جي تاريخي اهڃاڻ جو باب آهي. سنڌي ادب دنيا جو ترقي يافته ادب ليکيو وڃي ٿو. سنڌ جي تاريخ شاهد آهي. ته سنڌي ٻولي جي تاريخي حيثيت ۾ شاعري غزل ، نثر ، بيت ۽ ادب جو تسلسل آهي. سنڌي ادبي سنگت سنڌي اديبن جو اتحاد آهي. جنهن جي پليٽ فارم تي سنڌي اديبن قومي جاڳرتا پيدا ڪري سنڌ جي مسئلن تي پنهجو عملي ڪردار ادا ڪيو آهي. هنن سنڌي ادبي سنگت جي 53 هين سالگره سنڌي ادب لا۽ وڏو اعزاز قرار ڏنو آهي. انهئي موقعي تي سنڌي ادبي سنگت جي 53 هين سالگره جو ڪيڪ پڻ ڪٽيو ويو. sindhsalamatsaathsal
