• ڇا توھان کان سنڌ سلامت جو پاسورڊ وسري ويو آھي..؟
    ھيٺ ڏنل بٽڻ تي ڪلڪ ڪري پنھنجي اي ميل واٽس ايپ ذريعي موڪليو. .انتظامي رڪن توھان جي پاسورڊ کي ري سيٽ ڪري توھان کي اطلاع موڪليندا. لک لائق..!

    واٽس ايپ ذريعي

مشعلون بنائي پنهنجي آڱرين کي

نثارناز

نثارناز

سينيئر رڪن
پيارا سنڌ واسيو مُنهنجو هي آزاد نظم وقت جي ڪنهن چو واٽي، تي ماضيءَ جي دوڙ ۾ لٽيو پيو هو، انهي مٽيءَ جي دز سان ڀريل جهڙو آهي ۽ جيئن آهي توهان سڀني سان شيئر پيو ڪريان، خصوصي طور هن ڏياريءَ جي شُڀ ڏينهن تي ادا رنجيت کي ارپيان ٿو. ۽ اسان کي وساريندڙ اسان جي پياري دوست ادا مخدومي الجميلي ادا زاهد سومري کي. ان کان علاوه ادا سُلطان، ادا عظيم، ادا ٻروچ، ادا نثار ابڙو، ادا ڄامشورائي، سميت سنڌ سلامت جي سڀني نون پُراڻن دوستن جي پڻ نظر آهي
آزاد نظم
نثاراحمد ناز
مشعلون بنائي
پنهنجي آڱرين کي،
حَدِ ديوانگي ،
ڇُهڻ مان ٿو چاهيان!!
پَيَل گَجُ بدن تي، سنڌي ڀرت وارو،
کنيل ڪڇ تي گهاگهر،
مٿي تي دِلو پڻ،
هلي ڊيلَ وانگر،
هُو لوڏا وڏا ڏئي،
تنهن سنڌي نياڻيءَ جو اسڪيچ ٺاهي،
ڪا تصوير سُهڻي،
مان (Oil) آئل سان پينٽي،
يا واٽر ڪلر ۾
بنائڻ ٿو چاهيان!!!
موهن جي دڙي جِي،
مان تاريخ بڻجي،
تراشڻ ٿو چاهيان،
تنهن نچڻي جِي مُورت،
جيڪا بُک ۾ بدحال،
وئيشا بَڻِي آ،
تنهن معصوم، مظلوم پڳلِيءَ جِي مورت!!!
ڀري ڇند وديا کي،
پنهنجِي ڪلا ۾،
ستن سُورمين جا سُرَ سڀ آلاپي،
تنبوري جي تارُن کي ڇيڙڻ ٿو چاهيان!!
ڪبير جا دوها،
ڀٽائيءَ جون وايون،
رمزون سچل جُون،
سڄا راز کولي،
سامي سڀن کي،
ٻُڌائڻ ٿو چاهيان!!
تکو وقت تُنهنجي ته رفتار کان،
اُڀَ ۾ مان اُڏري،
امن جو پکيئڙو،
چنبي باز مان ڀي ڇڏائڻ ٿو چاهيان!!
وڃان ڇو مان چنڊ تي ۽ ڇا لئه؟
سڄو چنڊ ڌرتيءَ تي لاهڻ ٿو چاهيان!!،
جهريل آ جڳت ۾ جيڪو جيئڙو،
آٿت وڏي تنهنکي ڏيارڻ ٿو چاهيان!!
مان لُڙڪن جي لارُن جون تصويرون ميٽي،
خوشيون سڀ دنيا ۾ ورهائڻ ٿو چاهيان،
وڏا سج وفا جا اُڀارڻ ٿو چاهيان!!
نوان سج وفا جا اُڀارڻ ٿو چاهيان!!
مشعلون بنائي پنهنجي آڱرين کي!!
مشعلون بنائي پنهنجي آگرين کي!!
مشعلون بنائي پنهنجي آڱرين کي!!
 
سائين ڪافي عرصي کانپوٌءِ اوهان جي شاعري پڙهڻ وٽان ملي آهي۔۔ تمام پياري شاعري آهي۔۔۔۔

وڏي مهرباني اوهان جي جو اوهان اسان سڀني سنڌ سلامت واري ساٿين کي ارپي آهي۔۔۔

لکين قرب اوهان جا


سنڌ سلامت ساٿ سلامت
 
Wah ustaad! Asli matt na par koonar bhanji chadyav.
mhrbani,
baqi hind mai malhayl diwali ji report aein video maan jald ji (S3) mai paish kandus, jeka sindh slamat ji fakhriya peshkash hundi
 
زاهد سومرو لکيو آهي:
سائين ڪافي عرصي کانپوٌءِ اوهان جي شاعري پڙهڻ وٽان ملي آهي۔۔ تمام پياري شاعري آهي۔۔۔۔

وڏي مهرباني اوهان جي جو اوهان اسان سڀني سنڌ سلامت واري ساٿين کي ارپي آهي۔۔۔

لکين قرب اوهان جا


سنڌ سلامت ساٿ سلامت
مڪمل اقتباس ڏسو...
ادا زاهد مهرباني تون خير سان گوٺان گهمي آئين۔ يار توکان سواءِ سنڌ سلامت ڪافي اٻاڻڪو پي لڳو، خير تون اچي وئين وري رنگ لڳي ويا۔ شال جُڙيو هُجين۔
 
ڄامشورائي لکيو آهي:
گريٽ ورڊس فرام اِ گريٽ پرسن۔۔۔۔
مڪمل اقتباس ڏسو...
ادا ڄامشورائي ، مهرباني تُنهنجي جو توهان مُنهنجي ٽُٽل ڀڳل شاعريءَ کي گريٽ ورڊس ڪري لکيو۔ باقي مٺا مان ته توهان جو غريب مسڪين ڀاءَ آهيان ۽ پنهنجي پاڻ کي هميشهه ٽي درجي وارو شاعر سمجهندو آهيان۔ ان هوندي به مان تُنهنجو شڪر گذار آهيان جو تو مونکي گريٽ پرسن جهڙي اهم ترين لقب سان نوازيو
 
جواب موڪلڻ لاءِ لاگ ان ٿيو يا رجسٽريشن حاصل ڪريو
Back
Top