احمد خان مدهوش

[رضوان علي جمالي]

تنهنجي خوشبو کڻي هوا پهتي ​

درد جي ڄڻ ته ڪا دوا پهتي ​

خوش لَحَن کان نه ها نه نا پهتي ​

پر ڳُجهي کان ڳجهي ادا پهتي ​

تنهنجي شوخي به لک لهي ليڪن ​

ان جو مله ناه جا عطا پهتي ​

حوصلو ويو حجاب ۾ دٻجي ​

ماٺ ئي ماٺ ۾ پُڇا پهتي ​

مام واريون اکيون ڏسي سمجهيم ​

رَمز مخفي به بي بها پهتي ​

هوش ”مدهوش“ مس سنڀاليو مون ​

ايتري ۾ اچي قضا پهتي ​

احمد خان مدهوش​

 

[سليمان وساڻ]

هوش ”مدهوش“ مس سنڀاليو مون
ايتري ۾ اچي قضا پهتي
خوبصورت چونڊ ۔۔۔۔۔ احمد خان مدهوش ڪاڇي جو عوامي شاعر، جنهن جي شاعري سونهن ۽ سنڌ جي شاعري آهي۔