ادي رياض علي جي سوال جوجواب
دوست رياض صاحب السلام عليڪم! ادا معاف ڪجوءِ ته الاهي ڏينهن جي مصروفيت سبب سنڌ سلامت تي اچي نه سگهيس. هينئر توهان جو سوال ڏسڻ جو موقعو مليو.
ادا هينئر اڃا فوٽوشاپ جي ٽولز جي شروعات آهي، انهن ٽولز جي وضاحت پنهنجي ناقص معلومات مطابق ڏئي رهيو آهيان. اڃا سبقن جي باقاعده طور تي شروعات ته ناهي ٿي، ڇاڪاڻ ته جيستائين ڪنهن به ’ٽول‘ بابت بنيادي ڄاڻ نه هوندي، ايسيتائين سبق صحيح نموني سمجهه ۾ نه ايندا. ادا اوهان جيڪا آئيڪان تي ريوالور جي تصوير ڏني آهي، ان مان آئون سمجهي ويس ته جيڪڏهن مون اوهان جي سوال جو جواب نه ڏنو، ته منهنجي لاءِ صرف هڪڙي گولي کي کوڙ ٿيندي. انهيءَ ڪري اوهان کي پنهنجي ناقص ڄاڻ موجب جواب ڏئي رهيو آهيان.
طريقو1: سڀ کان پهريان ته اوهان ڪو به اميج کڻيو، جنهن کي اوهان ٻن حصن ۾ تبديل ڪرڻ چاهيو ٿا. مون نموني خاطر هڪڙو بيڪ گرائونڊ سليڪٽ ڪيو آهي، جيڪو هتي پيش ڪجي ٿو:
هاڻي اوهان ان اميج کي
Rectangular Marquee Tool کي سليڪٽ ڪري ان جو اَڌُ حصو ڪاپي ڪريو ۽ پوءِ ان کي اتي ئي پيسٽ ڪريو. ائين ڪرڻ سان اوهان جو ان ڪاپيءَ واري جو هڪڙو نئون ليئر ٺهي پوندو. هاڻي ان تصوير کي ٿوري فاصلي کاٻي طرف ٿوري فاصلي تي برابريءَ واريءَ حصي ۾ اهڙي نموني سوريو، جو هو ٻيءَ تصوير کان جُدا ٿي بيهي نموني خاطر هيءَ تصوير ڏسو:
ان کان پوءِ اوهان ان
Layer جي مينيو ۾ اچي ليئر واري تصوير کي
Merge Down کي ڪلڪ ڪريو، ائين ڪرڻ سان اوهان جو نئون ليئر بئڪ گرائونڊ ۾ تبديل ٿيندو.
Merge Down جي سمجهاڻي هن طرح آهي:
هاڻي اوهان ٽول بار مان
Clone Stamp Tool کي
Alt ڪي دٻائيندي مائوز سان ڊريگ ڪريو. جڏهن اوهان Alt ڪي کي پريس ڪري ڊريگ ڪندا ته اتي هڪڙو نشان ٺهي پوندو، جنهن جو مطلب هي آهي ته هاڻي اوهان اهو حصو سليڪٽ ٿي چڪو آهي. Alt ڪي سليڪشن جي وضاحت هن طرح آهي:
هاڻي اوهان ڪي تان هٿ هٽائي جتي تصويرن جي وچ ۾ گئپ آهي، اتي سِڌائيءَ ۾ احتياط سان ڊريگ ڪري اچو. واضح رهي ته ڊريگنگ ڪرڻ سان اوهان وٽ پِلَس جو نشان (+) ٺهي ايندو، جنهن جو مقصد اهو آهي ته اوهان جي گهربل حصي جي مٿان اهو رنگ اپلاءِ ٿي رهيو آهي، جنهن تي پِلَس جو نشان موجود آهي. نموني خاطر هن تصوير کي ڏسو:
بس اهڙي طريقي سان احتياط سان ڊريگنگ ڪندا اچو. جتي اوهان جي سليڪشن غلط ٿئي ته Alt ڪي سان ٻيهر سليڪٽ ڪري، وري ٻئي حصي کي احتياط سان رنگ ڀريو. هاڻي مڪمل طور رنگ ڀرڻ واري تصوير جو رزلٽ هن طرح آهي:
طريقو نمبر2: اهو آهي ته سڀ کان پهرين اوهان پنهنجي فائل مان ڪو به فوٽو کوليو. ان کان پوءِ اوهان ٽول بار مان
Magnetic Lasso Tool کي سليڪٽ ڪريو ۽ فوٽوءَ جي چوڌاري سليڪٽ ڪريو. نموني خاطر مون هڪڙي فوٽوءَ جي سليڪشن ڪئي آهي، ان کي ڏسندا.
ان کان پوءِ ان فوٽوءَ کي ڪاپي ڪريو ۽ پنهنجي ڪمپيوٽر مان ڪو به اهڙو بيڪ گرائونڊ کوليو، جنهن ۾ توهان اهو فوٽو رکڻ چاهيو ٿا. مون موقعي جي مناسبت سان هڪڙو بئڪ گرائونڊ کنيو آهي، هن کي ڏسندا:
هاڻي بيڪ گرائونڊ ۾ ان فوٽوءَ کي هن طرح پيسٽ ڪري ڏسو:
دوستؤ! اهڙي طريقي سان مختلف نمونن سان بئڪ فوٽن جي سليڪشن مختلف ٽولز ذريعي ٿيندي آهي، جن ۾ منهنجي خيال سان Pen Tool جي سليڪشن جو نمونو بهتر آهي، جنهن کي انشاءَ الله تعاليٰ وقت سر بيان ڪبو.
