عبدالڪريم گدائي سک جو ڪو سنسار بڻايون

[رضوان علي جمالي]

گيت ​

سک جو ڪو سنسار بڻايون ،سک جو ڪو سنسار ​

گورا ڪارا سڀ خالق جا ، جوڙ سڀيئي هڪ مالڪ جا ​

ڇاجي نفرت ، فخر وڏايون ، مذهب پنهنجو پيار ​

بڻايون سک جو ڪو سنسار ​

هڪٻئي لاءِ حقارت ڇا جي ، انسانن کان نفرت ڇاجي ؟ ​

ڪينو ساڙ ڪدورت ڇاجي ، ڇاجو هي تڪرار ​

بڻايون سک جو ڪو سنسار ​

ذاتيون پاتيون فخر وڏايون ،رنگ نسل جون سڀ ارڏايون ​

آهن جنگ فساد جو باعث ، زهر سندو پرچار ​

بڻايون سک جو ڪو سنسار ​

جنگ و جدل آهي چوڌاري، انسانن جو رت آ جاري​

ساڙي آهي دنيا ساري ، نفرت جي پرچار ​

بڻايون سک جو ڪو سنسار ​

رنگ و نسل سڀ ڍونگ اجايا، پيٽ بکئي ڇا سانگ بڻايا ​

ڇا گوري ۾ ڇا ڪاري ۾ ، ساڳيو آه ستار ​

بڻايون سک جو ڪو سنسار ​

مذهب مسلڪ پيار ”گدائي“ ، هندو مسلم سک عيسائي ​

جوڙ سڀيئي هڪ مالڪ جي ، سڀ ۾ ساڳيو يار ​

بڻايون سک جو ڪو سنسار​

 

[ڄام احمد سمون]

واهه سائين واهه!
بڻايون سک جو سنسار۔
۔۔۔بهترين گيت۔۔۔

 

[TAHIR SINDHI]

ڇاجي نفرت ، فخر وڏايون ، مذهب پنهنجو پيار ​

بڻايون سک ​

​

تمام بهترين ادا​