هڪ نماڻي شڪايت : ننڍڙن ٻارڙن سان اُهائي ٻه اکيائي سنڌ سلامت تي به

[رضوان علي جمالي]

دوستو، سڄڻو، مانوارؤ
هيءَ شڪايت تمام سنڌ سلامت ويب سائيٽ استعمال ( مون سميت ) ڪرڻ وارن سان منهنجي وڏڙي نينگر محمد ڪاظم حسين جمالي جي آهي ۔ هن جي شڪايت آهي ته ننڍڙن ٻارڙن سان اُهائي ٻه اکيائي هت به ٿئي ٿي جيڪا پرنٽ ميڊيا ۾ ٿئي ٿي ۔ جيڪو مواد ٻارڙن واري حصي ۾ اپلوڊ ڪجي ٿو اهو نه هئڻ جي برابر آهي ۔

 

[سليمان وساڻ]

رضوان سائين سلام

اوهان جي ننڍڙي جي شڪايت بجا آهي۔ سنڌ سلامت تي ٻارن لاء الڳ سيڪشن هجڻ سان گڏ ان ۾ گهڻي مواد موڪلڻ جي ضرورت آهي۔ انٽرنيٽ تي خاص ڪري سنڌي ويب سائيٽن تي ٻارن لاء مواد نه هجڻ برابر آهي۔

اوهان سميت سڀني دوستن کي عرض آهي ته ان طرف به ڌيان ڏين ۽ انتظاميه کي صلاحون ۽ مشورا ڏيڻ سان گڏ مواد موڪلي ڏين۔

 

[عرس پريو]

ڳالهه ته صحيح آهي پر سنڌ سلامت تي زياده اچڻ وارا ميٽرڪ يا ان کان مٿي جا شاگرد ضرور هوندا۔۔۔۔۔۔۔۔ پوء به انتظاميه کي ان ڳالهه تي عمل ڪرڻ گهرجي

 

[TAHIR SINDHI]

تمام ضروري ڳالھ طرف ڌيان ڇڪرايو ويو آهي۔۔۔

 

[رشيد سمون]

مان عرس پريو جي ڳالهه سان اتفاق نه ڪندس ۽ ادا رضوان علي جمالي جن سان اتفاق ڪندس ته سنڌ سلامت تي واقعي ٻاراڻو مواد گهٽ آهي۔۔۔ ۽ سنڌ سلامت تي ٻار جيڪي 10 درجي کان هيٺين ڪلاسن خاص طور ڇهين کان اٺين تائين پڙهندڙ آهن سنڌي ۽ منفرد ڏسڻ ۾ ايندڙ سائيٽ ۾ دلچسپي سوائي رکندي هن سائيٽ جو چڪر لڳائيندا رهندا آهن۔۔۔
هڪ دفعي منهنجي ننڍڙن پڻ ان ڳالهه جي شڪايت ڪئي ته سندن جي دلچسپي لاءِ سنڌ سلامت تي ليک به ڪونهن کين سنڌ سلامت کي وڌيڪ رنگين بنائڻ جو به زور هيو جو ٻار رنگن کي پسند ڪندا آهن۔۔۔
ادا رضوان جي مشوري کي نوٽ ڪيو ويو آهي ۔۔۔ ۽ منهنجي ذاتي طور ڪوشش هوندي ته گهٽ گهٽ ۾ آچر ڏينهن ٻارن لاءِ هڪ ٻه موضوع موڪلجن۔۔۔ اهڙي نموني سموري سنگت کي پڻ حصو اٽڪائڻ جي درخواست آهي۔۔۔

 

[TAHIR SINDHI]

ان شا الله سائين ضرور ڪوشش ڪبي ته آچر واري ڏينهن ٻارڙن لا ڪجھ آ به شيئر ڪريان، تمام سٺو قدم سنڌ سلامت انتظاميه طرفان۔
ادا جمالي صاحب هاڻ اوهان کي ۽ اوهان جي ننڍڙن کي شڪايت نه هئڻ گهرجي۔۔