سنڌ گريجوئيٽس ايسوسيئيشن سچل ڳوٺ شاخ جي حلف وفاداري

[سليمان وساڻ]

سنڌ گريجوئيٽس ايسوسيئيشن سچل ڳوٺ شاخ جي حلف وفاداري​

محمد سليمان وساڻ​

سنڌ گريجوئيٽس ايسوسيئشن (سگا) گذريل چاليهن سالن دوران تعليم سان گڏوگڏ عوام ۾ سماجي جاڳرتا پيدا ڪرڻ ۾ اهم ڪردار ادا ڪيو آهي ۽ وقت جي ضرورت آهي ته نوجوان قيادت اڳتي اچي سنڌ جي عوام جي خدمت ڪري. اها ڳالهه سگا جي مرڪزي وائيس چيئرمين رفيق احمد جعفري اڄ سچل ڳوٺ ڪراچي ۾ سگا سچل ڳوٺ شاخ جي 15-2012 لاءِ چونڊيل عهديدران کان قسم کڻائڻ جي سلسلي ۾ منعقد ڪيل هڪ سادي ۽ پروقار تقريب کي خطاب ڪندي چئي. تقريب کي مرڪزي سيڪريٽري جنرل ولي محمد روشن، اڳوڻي سيڪريٽري جنرل علي حسين بروهي، نالي واري معاشي ماهر ۽ ڪراچي يونيورسٽي ۾ قائم شهيد محترمه بينظير ڀٽو چيئر جي ڊائريڪٽر پروفيسر اعجاز قريشي، سگا جي اڳوڻي مرڪزي وائيس چيئرمين عبدالرسول سومرو، سگا جي سيڪريٽري صحت پيرل خان کوسو، سيڪريٽري تعليم مئڊم ثريا ميمڻ، سگا سچل ڳوٺ شاخ جي نئين چونڊيل صدر پروفيسر علي انور بالادي، تاج محمد وساڻ، ڪرم الاهي چنا، غلام حسين بلوچ ۽ ٻين اڳواڻن پڻ خطاب ڪيو. ولي محمد روشن چيو ته تعليم جو معيار بهتر بڻائڻ اسان سڀني لاءِ هڪ وڏو چئلينج آهي. هن چيو ته اسانجي نوجوانن کي هاڻي عالمي سطح تي ڪاميابي ماڻڻ لاءِ مقابلو ڪرڻو آهي ۽ هاڻي اسان کي ڪوٽا سسٽم تي ڀاڙڻ نه کپي. هن چيو ته سگا سنڌ دشمن رٿا ڪالاباغ ڊيم خلاف پهريون ڀيرو ٺهراءُ منظور ڪيو. هن سچل ڳوٺ ۾ 800 گز تي نئون روشن تارا اسڪول قائم ڪرڻ تي سگا سچل ڳوٺ جي عهديدارن جي جدوجهد تي مبارڪباد پيش ڪئي.

علي حسين بروهي پنهنجي تقرير ۾ چيو ته وقت جي تقاضا آهي ته رضاڪارانا ازم ۽ پروفيشنلزم جي گڏيل تجربي سان تعليم ۽ سماجي خدمتن جي شعبي ۾ نيون ڪوششون ڪيو وڃن. هن چيو ته تعليم جو معيار بهتر ڪرڻ سان گڏوگڏ صوبي جي عوام کي سٺي حڪمرانيءَ جي سخت ضرورت آهي. جنهن کان سواءِ تعليم سميت اهم شعبن ۾ سڌارا نه اچي سگهندا. اعجاز قريشي پنهنجي تقرير ۾ چيو ته عالمي بئنڪ جي تازو جاري ڪيل هڪ رپورٽ ۾ چيو ويو آهي ته سنڌ ۾ هن وقت غربت جي جيڪا صورتحال آهي سا 1947ع ۾ به نه هئي ۽ ان صورتحال جو بنيادي ڪارڻ صوبي ۾ سالن کان سٺي حڪمراني نه هئڻ قرار ڏنو ويو آهي. هن چيو ته سگا جن سرڪاري اسڪولن جو انتظام سنڀاليو آهي تن جا بهتر ۽ اثرائتا نتيجا نڪري رهيا آهن. پروفيسر علي انور بالادي پنهنجي آجياڻي تقرير ۾ ٻڌايو ته سگا سچل ڳوٺ شاخ گذريل 20 سالن ۾ سچل ڳوٺ ۽ آس پاس جي آبادين ۾ سنڌي عوام کي سندن مادري ٻوليءَ ۾ معياري تعليم ڏيارڻ لاءِ تاريخي جدوجهد ڪئي آهي. هن چيو ته اهي سنڌي وسنديون ڪنهن وڏيرن، پيرن، ميرن ۽ جاگيردارن نه پر هيٺئين طبقي جي تعليمي يافته نوجوانن جي جدوجهد سان قائم ٿيون آهن. تاج محمد وساڻ چيو ته سچل ڳوٺ ڪراچيءَ جي اعلى تعليمي ادارن جي ويجهو هئڻ ڪري اسان جا نوجوان انهن ادارن ۾ داخلا وٺي اڳتي وڌي رهيا آهن. هن چيو ته سگا جي اسڪولن ۾ ملندڙ تعليم جو معيار بهتر آهي جنهن سبب هنن اسڪولن جا شاگرد تعليمي بورڊن ۽ يونيورسٽين جي امتحانن ۾ سٺي پوزيشن حاصل ڪري رهيا آهن. تقريب کي الهداد گوپانگ، خادم حسين ڪانڌڙي، مريد حسين لاکي پڻ خطاب ڪيو.

ان کان اڳ سگا سچل ڳوٺ جي اليڪشن ڪمشنر علي اڪبر راڄپر نون چونڊجي آيل عهديدارن کان پنهنجي عهدن جو قسم کڻايو. سال 2015-2012 لاءِ شاخ جي چونڊن ۾ علي انور بالادي صدر، الهداد گوپانگ نائب صدر، ڪرم الاهي چنا جنرل سيڪريٽري، غلام سرور ڀٽو جوائنٽ سيڪريٽري، محمد سليمان وساڻ اطلاعات سيڪريٽري ۽ سراج احمد ڀٽو ماليات سيڪريٽري طور بنا مقابلي چونڊجي ويا، جڏهن ته برانچ مينيجمينٽ ڪميٽي لاء تاج محمد وساڻ، غلام رسول ٻٻر، سراج الدين ميمڻ.منظور علي شاهه، علي اڪبر مغيري، ثناءُ الله راڄڙ، صاحب ڏنو ارباب، ارباب علي جانوري ۽ آفتاب احمد ڀٽو چونڊيا ويا.

​

​

​

عبدالرسول سومرو، پيرل خان کوسو، علي اڪبر مغيري ۽ علي اڪبر راڄپر​

​

مريد حسين لاکو، خادم حسين ڪانڌڙو ۽ غلام سرور ڀٽو​

​

​

​

​

 

[TAHIR SINDHI]

سائين سليمان صاحب سگا سچل ڳوٺ واقعي به تعريف جي لائق آهي، سگا سچل کي ڪاميابين تي واڌايون هجن، نون عهديدارن کي پڻ واڌايون هجن، هاڻ اوهان کان ان شا الله اطلاعات کاتي جا حال احوال به ملندا رهندا، اوهان کي پڻ اطلاعات سيڪريٽري ٿيڻ جون واڌايون۔
اوهان تفصيلي ۽ قيمتي پيرائتي خوبصورت تصويرن سان گڏ رپورٽ پيش ڪئي آهي جنهن لا تعريف جي قابل آهيو، اميد آهي ته پنهنجون ذميواريون بخوبي انجام ڏيندا رهندا، يقينن پنهنجي ڊيوٽي ڪرڻ سان گڏو گڏ، سنڌ سلامت ذريعي دنيا جي سڀني سنڌين جو اوهان طرفان امڙ جهڙو خيال رکڻ ۽ ان کان وڌيڪ هر سوشل ايڪٽويٽي ۾ شامل رهڻ يقينن وڏو جهاد آهي۔
سائين مرحوم شمشير الحيدري جن جي ياد ۾ اوهان جيڪي مختلف پروگرام رٿرايا انهن جون تفصيلي رپورٽون آ سنڌ ٽي وي کان علاوه مختلف سنڌي چينلن تي ڏسي چڪو آهيان۔
هڪ ڳالھ ته سائين نثار ابڙو صاحب جن ڪنهن پروگرام ۾ نظر ڪونه ٿا اچن۔
ٻيو ته سنڌ سلامت کيواڌايون جو سنڌ سلامت وٽ سائين سليمان وساڻ صاحب جن جي صورت ۾ هڪ محنتي ۽ قابل تعريف انتظامي رڪن موجود آهي۔
اميد آهي ته اسان سنڌين جو ائين ئي خيال رکندا ۽ پنهنجي قيمتي ايڪٽوٽيز ۾ اسان کي به هن محبتي ۽ پياري اڱڻ سنڌ سلامت ذريعي شريڪ ڪندا رهندا۔۔ لک لائق۔۔۔

 

[ايس ايم درس]

سگا پنهنجي مٽ پاڻ آهي لک لک واڌايون نئون چونڊجي آيل ساٿين کي۔ اميد ته اهي سگا جي پليٽ فارم تان هر وقت پنهنجون خدمتون سرانجام ڏيندا رهندا۔ خاص طور تي سائين سليمان وساڻ صاحب جو ٿورائتو آهيان جنهن سنڌ سلامت جي پليٽ فارم تان اسان کي رپورٽ پڙهڻ جو موقعو ڏنو۔

 

[سليمان وساڻ]

سائين سليمان صاحب سگا سچل ڳوٺ واقعي به تعريف جي لائق آهي، سگا سچل کي ڪاميابين تي واڌايون هجن، نون عهديدارن کي پڻ واڌايون هجن، هاڻ اوهان کان ان شا الله اطلاعات کاتي جا حال احوال به ملندا رهندا، اوهان کي پڻ اطلاعات سيڪريٽري ٿيڻ جون واڌايون۔
اوهان تفصيلي ۽ قيمتي پيرائتي خوبصورت تصويرن سان گڏ رپورٽ پيش ڪئي آهي جنهن لا تعريف جي قابل آهيو، اميد آهي ته پنهنجون ذميواريون بخوبي انجام ڏيندا رهندا، يقينن پنهنجي ڊيوٽي ڪرڻ سان گڏو گڏ، سنڌ سلامت ذريعي دنيا جي سڀني سنڌين جو اوهان طرفان امڙ جهڙو خيال رکڻ ۽ ان کان وڌيڪ هر سوشل ايڪٽويٽي ۾ شامل رهڻ يقينن وڏو جهاد آهي۔
سائين مرحوم شمشير الحيدري جن جي ياد ۾ اوهان جيڪي مختلف پروگرام رٿرايا انهن جون تفصيلي رپورٽون آ سنڌ ٽي وي کان علاوه مختلف سنڌي چينلن تي ڏسي چڪو آهيان۔
هڪ ڳالھ ته سائين نثار ابڙو صاحب جن ڪنهن پروگرام ۾ نظر ڪونه ٿا اچن۔
ٻيو ته سنڌ سلامت کيواڌايون جو سنڌ سلامت وٽ سائين سليمان وساڻ صاحب جن جي صورت ۾ هڪ محنتي ۽ قابل تعريف انتظامي رڪن موجود آهي۔
اميد آهي ته اسان سنڌين جو ائين ئي خيال رکندا ۽ پنهنجي قيمتي ايڪٽوٽيز ۾ اسان کي به هن محبتي ۽ پياري اڱڻ سنڌ سلامت ذريعي شريڪ ڪندا رهندا۔۔ لک لائق۔۔۔

لک قرب اوهان جو ڳوٺ هجڻ سبب هن تقريب ۾ شامل نه ٿيڻ ۔۔۔ ان جو افسوس ٿيو، اوهان سگا سچل ڳوٺ جا ميمبر آهيو ۽ اسان سان گڏ آهيو۔

انشاء الله اوهان سان هر قدم تي گڏ هونداسين۔ سائين نثار به هن تقريب ۾ موجود هيو پر سندس مهمان اچڻ سبب هو جلدي هليو ويو۔ ڳسائين نثار جڏهن سنڌ ايندا آهن ته پنهنجي ذاتي ڪمن ڪارين ۾ گهڻو مصروف هوندا آهن تنهنڪري سنڌ سلامت تي گهٽ نظر ايندا آهن، باقي جڏهن مڪي ويا ته پاڻ سنڌ سلامت تي هر وقت موجود هوندا ۔۔۔

هيٺ ڏنل لنڪ ڏسو ۔۔۔ اتي سائين نثار پڻ شمشير صاحب جي زندگيء تي ڳالهايو۔

سنڌ فنڪار ويلفيئر ٽرسٽ پاران شمشير الحيدريءَ کي ڀيٽا

هن پروگرام ۾ به پاڻ موجود هيا ۔۔۔

 

[TAHIR SINDHI]

بلڪل مون سائين نثار صاحب جن جا ڪمينٽ به سنڌ ٽي وي تي لائيو ڏٺا هئا، مهرباني۔۔۔
هي واز اَ گريٽ فرينڊ۔۔۔ هي واز اَ گريٽ فادر۔۔۔ سائين نثار صاحب جن جا ان پروگرام ۾ شمشير لا چيل لفظ ياد اٿم۔۔۔

 

[سليمان وساڻ]

سگا پنهنجي مٽ پاڻ آهي لک لک واڌايون نئون چونڊجي آيل ساٿين کي۔ اميد ته اهي سگا جي پليٽ فارم تان هر وقت پنهنجون خدمتون سرانجام ڏيندا رهندا۔ خاص طور تي سائين سليمان وساڻ صاحب جو ٿورائتو آهيان جنهن سنڌ سلامت جي پليٽ فارم تان اسان کي رپورٽ پڙهڻ جو موقعو ڏنو۔

لک ٿورا سائين

سگا هڪ اهڙو ادارو جنهن اسان جهڙن کي شعور ڏنو۔ سنڌ سلامت جو پليٽ فارم اوهان جهڙن دوستن جي ساٿ سبب ئي هلي رهيو آهي۔ اميد ته دوست سنڌي ٻولي جي واڌاري ۽ ترقي لاء پنهنجي قيمتي وقت مان ڪجهه گهڙيون ارپيندا رهندا۔

 

[ايس ايم درس]

سائين سنڌي ٻولي ۽ سنڌ امڙ تان جان قربان۔