اکيون

[رضوان علي جمالي]

ياد ناهي، ڪٿي مون وڃايون اکيون، ​

آرسي ۾ ته آهن پرايون اکيون۔ ​

هي ســتارا ٿا ٽمڪن ، يا آڪــاش تي، ​

عاشقن ۽ شهيدن وڇايون اکيون۔ ​

ٿو رُتن ؤ رنگن جون ڪهاڻيون پڙها، ​

منهنجي احساس ۾ ڇا ته ڄايون اکيون۔ ​

هاڻ ڪنهنجي مٿس اک ٻڏي ڪانه ٿي، ​

شهر ۾ جنهن سدا پئي ورهايون اکيون۔ ​

هڪڙو جذبن رڳن ۾ رهيو ئي رهيو، ​

هڪڙي ڳولا جڳن کان جلايون اکيون۔ ​

هي ڪرامت آ رياست جي قانون جي، ​

ڪِن وڍايون ڄڀون، ڪِن ڪڍايون اکيون۔ ​

ٽيڪ جاني تصور جي ديويءَ ڏني، ​

۽ حقيقت جي ڏائڻ ڏکايون اکيون ۔ ​

جعفر جاني​

 

[سليمان وساڻ]

جعفر جاني جي خوبصورت شاعري ۔۔۔۔۔

اوهان جي چونڊ به لاجواب ۽ وڻندڙ

 

[رضوان علي جمالي]

اوهان جي چونڊ به لاجواب ۽ وڻندڙ
سائين قبلا اِها اوهان جي خوبي آهي جو منهنجي هر چونڊ کي اوهان وڻندڙ بڻايو ٿا ۔

 

[TAHIR SINDHI]

جمالي صاحب لاجواب۔۔۔