آسٽريليا خلاف شاندار راند کيڏڻ باوجود جڏهن مينهن جي وسي پوڻ ڪري ويسٽ انڊيز کي ٻڌايو ويو ته کين شڪست ملي چڪي آهي۔۔۔ اهو سوچي آئرلينڊ خلاف ٽاس کٽي پهريان فيلڊنگ کي ترجيح ڏيندي ڪپتان سمي خيال ڪيو هوندو ته هو به جيڪو ٽارگيٽ ملي تيز رفتاري سان چيز ڪرڻ ويندا ته جيئن مينهن پوڻ سان هو به ڊڪ ورٿ لوئس جي قانون مان فائدو وٺي سگهن۔۔۔ ۽ ذري گهٽ ائين ئي ٿيو جو آئرلينڊ مقرر 19 اوورز ۾ جڏهن رڳو 129 رنسون جوڙي سگهي ته مينهن جو وسڪارو اهڙو وٺو جو ٻيهر کيڏڻ جو موقعو ئي نه مليو ۽ اهڙي طرح ٻنهي ٽيمن کي هڪ هڪ پوائينٽ ملي ۔۔۔ رن ريٽ بهتر هجڻ ڪري ويسٽ انڊيز بغير ڪنهن ميچ کٽڻ جي سپر 8 ۾ پهچي وئي۔۔۔ ڪرڪيٽ ڏسڻ جا شوقين آئرلينڊ جي بيٽنگ جو جهلڪيون هتي ڪلڪ ڪري ڏسي سگهن ٿا۔۔۔
ويسٽ انڊيز کي ڏسي مونکي 1992 ۾ پاڪستان جو سيمي فائنل ۾ پهچڻ ياد اچي ويو، جڏهن انگلينڊ خلاف 70 رنسون ڪري پوري ٽيم آئوٽ ٿي وئي پر بارش سبب ميچ ڊرا ٿي ۽ پوء پاڪستان هڪ پوائنٽ سبب سيمي فائنل ۾ پهتو ۽ ورلڊ ڪپ کٽي ويو۔
