جڏهن دنيا جي قومن کي عالمي رانديون، جهڙوڪ، ڪرڪيٽ، فٽبال، هاڪي يا وري پاڻيءَ جون رانديون ڪڏندي کيڏندي ڏسندو آهيان ته سڀ کان پهريان منهنجيون نظرون ڪنهن سنڌي رانديگر کي ڳولهينديون آهن، پر افسوس! جو اکيون ٿڪجي پونديون آهن ۽ سنڌي قوم جو عالمي راندين ۾ ڪو ڪردار نظر ناهي ايندو .... ڇو ؟؟؟؟؟؟ الائجي ڇو ؟؟؟؟؟؟ آهي ڪو جواب ...؟؟؟؟
جيڪڏهن رڳو ڪرڪيٽ کي ئي ڏسون ته مون کي ڪجهه سنڌي نظر آيا آهن جن مان ٻڌو اٿم ته انڊيا جو ورات ڪوهلي به سنڌي آهي۔۔۔ جيڪو هن وقت دنيا جو بهترين بئٽسمين آهي۔۔۔
اسان وٽ موجود پراڻيون هلندڙ رانديون دنيا ۾ نوان روپ ڌاري چڪيون آهن جيئن ملهه، ڪوڏي ڪڏي يا ٻلهاڙو وغيرهه ۔۔۔۔۔ افسوس جو نه ته حڪومتي سطح تي نه وري اسان جي پنهنجي ماڻهن ڪجهه ڪيو۔ ڪرڪيٽ، هاڪي ته اسان جون رانديون ناهن پر انهن ۾ حصو وٺڻ لاء نه ته سنڌي ماڻهن جي ڪا ڪوچنگ ٿي ۽ نه ئي وري انهن کي ڪا سهولت ميسر ڪئي وئي۔ فٽبال ۽ باڪسنگ ۾ لياري جا بلوچ گهڻو اڳي هئا پر مسلسل نظر انداز ڪرڻ واري پاليسي سبب اتي به هاڻي باڪسنگ ۽ فٽبال بجاء بارود جي راند پئي هلي۔
