دوستن کي دعوت ٿي ڏجي ته هت هن موضوع ۾ اسان هن موضوع تي بحث ڪريون ته: نئون مڪاني نظام ڇا آهي؟ ڇا هن جا سنڌ جي وحدت تي منفي يا مثبت جي اثر پوندا؟ ڇا مڪاني نظام سنڌ جي حال، مستقبل قريب يا بعيد تي ڪنهن به نموني اثر انداز ٿئي ٿو؟ ڇا مڪاني نظام سنڌ جي ڀلائي ۾ آهي يا نه؟ اڄ ڪلھ ان نظام جي خلاف ڪجھ مخصوص پارٽين واويلا شروع ڪري ڏني آهي، ڇا اها واويلا صحيح سمت ۾ آهي يا اَجائي آهي؟ ڇا اوهان مڪاني نظام پڙهيو به آهي يا نه؟ ڪهڙا دليل آهن ته اهي پارٽيون يا ڪجھ قوم پرست دوست اهي واويلا پنهنجن مخصوص مفادن جي ڪري نه پيا ڪن؟ حقيقيت ۾ اهي ۽ ٻيا کوڙ سارا سوال ذهن ۾ اڀري رهيا آهن، جيڪي اطمينان ڏياريندڙ جوابن جي تلاش ۾ آهن۔ دوستن کي دعوت ڏجي ٿي ته هن بحث ۾ ڀرپور حصو وٺي پنهنجن خيالن جو اظهار ڪن۔
اهڙي قسم جو هڪ موضوع مان به فيسبوڪ تي شروع ڪيو هو پر نتيجي ۾ گاريون مليون ۽ بي عزتي ٿي۔۔۔۔۔ اصل ۾ خرابي سسٽم ۾ نه پر ان سسٽم کي هلائيندڙن ۾ هوندي آهي۔ پاڪستان ۾ ڪهڙو به سسٽم آڻيو پر ان جا هلائيندڙ جڏهن نا اهل هوندا يا اهي مجبور هوندا ته پوء ڀلي کان ڀلو سسٽم به ناڪاره هوندو۔ مان اڃان تائين هن نظام کي پڙهيو ناهي، تنهنڪري قبل از وقت ڳالهائڻ سٺو نه لڳندو ۔۔۔۔
سائين وساڻ صاحب، اڄ تائين ڪو جواب نه آيو آهي جنهن مان اهو لڳي پيو ته هي اجايو جي واويلا لڳايون ويٺا آهن، جي ڪنهن وٽ جواب آهي ته اسان کي به ان کان واقف ڪرائي تاڪه اسان به حقيقتن کي سمجهون ته اصل مسئلو آهي ڇا؟
