ڪارو ڪاري جي رسم جي خاتمي لاءِ حڪومت،ميڊيا،۽ اين جي اوز جو پهريون قدم ئي غلط آهي.سڀ کان پهريائين ته جنهن ڳاله يا رسم کي ختم ڪرڻو هجي ته ان جي تذڪري کي ئي ختم ڪيو وڃي.ڇا اهو ممڪن آهي ته قتل جھڙي ڀيانڪ جرم جو تذڪرو ئي نه ڪجي؟ نه اهو ممڪن ناهي پر ان جي خاتمي جي لاءِ گھٽ ۾ گھٽ اهو ته ضروري آهي ته پهريون قدم صحيح سمت ۾ کنيو وڃي سو اهو آهي ته ڪنهن به قتل کي ڪنهن جي به طرفان پر خاص طورپرنٽ ۽ اليڪٽرانڪ ميڊيا طرفان ڪارو ڪاري جو ڪارڻ ٻڌائي پيش نه ڪيو وڃي.ان جو سبب اهو آهي ته قاتل جي نيت خبر ناهي ڪهڙي هئي پر هن قتل جو هڪڙو جواز پيش ڪيو آهي،تنهنڪري بنا ڪنهن تحقيق جي ڪنهن به قتل کي ڪارو ڪاري جو نالو ڏيڻ حقيقت ۾ قاتل جي جواز کي قبول ڪرڻ جي برابر آهي. ڪو به شخص ٻئي ڪنهن کي پر خاص طورتي ڪنهن پنهجي کي حقيقت ۾ ڪارو يا ڪاري سمجھي ٿو ته ان کي کپي ته پهريائين ان کي اڇو يا اڇي ڪري پوءِ قتل ڪري ،ڇاڪاڻ ته ان کانسواءِ جي قتل ڪيا ويا ته هميشه لاءِ ڪارا ٿي ويندا.پر سوال اهو ٿو پيدا ٿئي ته اڇي يا اڇِي کي قتل ڪري سگھجي ٿو ان جو جواب يقينن نفي ۾ آهي.اسان جي شڪايت ڌارين سان آهي ته اهي اسان کي مارين ٿا سڀ کان پهريائين اهو ضروري آهي ته اسين پنهجو پاڻ کي مارڻ جي سلسلي کي ختم ڪريون.
