نثارابڙو
نائب منتظم
سائيڪل
ٻاراڻو نظم
شمشير الحيدري
بابا ڏياري سائيڪل،
بابا ڏياري سائيڪل،
ڪير هلي هاڻ پيدل،
ڪير هلي هاڻ پيدل!!!
سائيڪل منهنجي نئين نياري،
گهنٽي هن جي ٽڻ ٽڻ واري،
واه ڦري ٿو ڪيئن هينڊل ...!!!
مور نه ٿئي ٿي پنڪچر،
ائين ڊوڙي جيئن لاري موٽر،
هٿن مان ترڪي پيو هينڊل...!!!
سڀ کان سستي سولي سواري،
سارو ڏينهن گهمان چوڌاري،
ڪون ٿئي پئٽرول جو بل ...!!!
ڌيان سان روڊ تي هلندو آهيان،
آسي پاسي ڏسندو آهيان،
تڪڙ ڪڏهن نه ڪريان ڀل ...!!!
ڳاڙهي بتيءَ تي بيهندو آهيان،
سائيءَ بتي تي هلندو آهيان
ٽوڙيان ڪڏهن ڪون سگنل ..!!