اوهان جي عيد ڪيئن گذري؟ منهنجي ڪُجهه هيئن گذري!

دوستو سڀ کان پهرين اوهان سڀني کي هڪ ڀيرو ٻيهر عيد جو پهريون ڏينهن مبارڪ۔ جيڪڏنهن اڄ جو هي ڏهاڙو اوها لاءِ خوشين ڀريو هو ته الله اهڙا ڏينهن اوهان کي روز ڏيکاري۔

ڪراچي آئي کان پوءِ هتي سچل ڳوٺ ۾ منهنجي اڄ هي ٽين عيد آهي۔ ۽ ٽنهي دفعا ڳوٺ نه وڃي به هتي خوب مزو آيو۔ نه ته اڪثريت جي راءِ اها آهي ته عيد ته ڳوٺ جي۔ توڙي جو ڳوٺ مٽ مائٽ ۽ سنگت ساٿ جو سرڪل وڏو آهي پر هتي ٿورا ته آهن پر گهٽ ناهن۔ مون کي دلي خوشي ٿي جڏنهن خبر پئي به سنڌ سلامت جا منتظم ساٿي ۽ پيارا دوست نثارابڙو ۽ سليمان وساڻ هتي آهن۔ ٿي سگهيو ته ذيشان رشيد به اچي نڪرندو۔ توڙي جو هو ڪنهن مصروفيت سبب نه اچي سگهيو۔ پر هنن ٻن دوستن سان ڪچهري جو موقعو مليو ۽ عيد سعيد ٿي وئي۔ پر هتي چاچا ڪريم جو ذڪر نه هجي اهو ڪيئن ممڪن آهي۔ هن ننڊ جا ٻه ڊوز واڌو هڪ ڪچهري جو به هنيو۔ موضوع ته اهو ئي سنڌ جو درد ۽ سنڌين کي دڙڪا۔ بهرحال نثار صاحب جي هوندي ماحول جي شائستگي، رونق، مزو، تازگي، نواڻ، برقرار رهي۔

 

جنهن ”عيد ڳوٺ جي ئي ڀلي“ جو نعرو لڳايو هو۔۔۔ اهو يا ته پرديسي هو يا وري ڳوٺ کان ٻاهر نوڪري ڪندڙ جنهن جا ٻچا ساڻس نه هوندا۔۔۔
توهان سان گڏ توهان جي فيملي آهي ان ڪري توهان کي عيد اٻاڻڪي ڇو لڳي۔۔۔ مٿان وري سائين نثار ۽ سليمان جهڙي سنگت۔۔۔
پنهنجي عيد بس رڳو عيد نماز تائين هئي۔۔۔ ان کان پوءِ بلڪل ائين جيئن هن تصوير جا پرديسي۔۔۔۔۔۔۔۔

​

 

ڪافي سالن کانپوء وري سچل ڳوٺ ۾ عيد ڪئي، جيتوڻيڪ مرڪزي عيدگاهه ۾ عيد پڙهڻ وقت مونکي حفيظ ڪٿي به نظر نه آيو پر پنهنجي اوطاق تائين پهچندي کوڙ سارن دوستن سان عيد ملندي ملندي گهني دير ٿي وئي۔ سائين نثار ته اسان جي ساٿ ۾ هيو ئي پر اوطاق تي پهچي حفِظ به اچي مليو۔ جڏهن اسان سڀ ويهون تهپوء ڳالهه سياست جي به ضرور نڪرندي آهي ۽ ماڻهن جا خيال ۽ اسان جي اوطاق ڪنهن هائيڊ پارڪ وانگر لڳندي آهي۔

خير دوستن سان ملي خوشي ٿي، رحمان ملڪ جون مهربانيون جنهن 10 بجي تائين فون جا سگنل بند رکيا ۽ ڪجهه سڪون مليو، پر فون سروس بحال ٿيندي ئي ميسيجز ۽ ڪالز جو سلسلو اڃان هلي رهيو آهي۔ جن دوستن کي عيد جون واڌايون ڏئي نه سگهياسين، انهن کي به عيد واڌايون۔

 

ادا اها ڳالهه صحيح آهي ته آئون مرڪزي عيد گاهه ۾ نه هئس پر اها ڳالهه هتي انهي بجاءِ ڪنهن ٻي مطلب ۾ نه ورتي وڃي۔ اڳي ئي مون خلاف الاءِ ڪهڙا ڪهڙا فتويٰ پيا لڳن۔ اصل ۾ عيد نماز جا ڪافي اجتماع هئا۔ مون انهي جي چونڊ ڪئي جتي سڀني کان سوير نماز ٿئي۔ جنهن جون ڪافي مصلحتون آهن پر هتي لکڻ ضروري ناهن۔

بهرحال اڄ خوب گذري

 

سڀني دوستن کي عيد جون کوڙ ساريون واڌايون اسان جي عيد ته ڪاله ئي ٿي وئي هئي پر اسان عيد به گهر پڙهي کاڌي به گهر ته نماز به گهر ئي پڙهي وري چاچي ڪريم وانگر ننڊ جا ڊوز هنيا سين سو پهنجي هر عيد ائين ئي ٿيندي آهي ڇو ته طبيعت ڪجه ناساز هئي پر سنگت عيد ڀلي ڪئي اسان جو روح انهن سان ئي گڏ هوو سو سنگت خوش ته اسان به خوش پر ادي سليمان جي ڪال به ايندي رهي پر ڳاله نه ٿي سگهي ڇو ته نيٽ ورڪ پرابلم هو ادي سليمان جا ڪال ڪرڻ جا ٿورا

 

جي سائين ان جا ڪافي سبب آهين ۔۔۔ سائين جڏنهن اسان پهنجي ڳوٺ هوندا آهيون جتي مٽن مايٽن کان وٺي دوستن يارن اوڙي ارن وارن جا انبار هوندا آهين اتي نماز پڙهڻ جو مزو به ايندو آهي ته ملڻ جلڻ جو به پر اوهان جي ڪٿي پر ديس ۾ هجو ته پوء اهي شيون نه ملنديون آهين سو اوهان اهو پهاڪو ته ٻڌو هوندو ته چري جهڙي مائٽن ۾ تهڙي پيڪن ۾ سو اسان سان به ڪجه اها حالت هوندي آهي هتي ان ڪري هتي ٿيڻ واريون نمازون ۽ جماعتون به سياسي جماعتون هونديون آهين جن ۾ الله جي لاء نه پر ۔۔۔ خير ان ڪري مون جهڙو جهونو عيد جي نماز گهر ئي پڙهي وري لت ڏئي سمهي پيو ۔۔۔ ڇو ته مون کي نماز جو مزو گهر ۾ پهنجي خاموش روم ۾ ميدان کان وڌيڪ ايندو آهي ۔۔۔

 

يار مس مس ڪا چڱي شئي ٻڌڻ ۾ آئي آهي۔ نه ته هن گورنمنٽ جي ڪمن ۽ ترقي جا حال پورا آهن