هڪ ڏينهن پنهنجين پريشانين ۾ منجهيل مڙس گهر پهتو ته هن کان پنهنجي ٽيڏين اکين واري زال جي تعريف وسري وئي. زال پئي اڳيان پويان ڦري ۽ نخرو ڪري. ”هونءَ ته توهان اچڻ سان منهنجي تعريف ڪندا آهيو.“ آخر زال شڪايت واري لهجي ۾ چيو. ”اهو ته اڄ به چوان ٿو ته بابا تون تمام سهڻي آهين.“ مڙس ڪجهه بيزاريءَ مان. ڪجهه جان ڇڏائڻ لاءِ چيو. پر زال ان مان مطمئن نه ٿي ۽ وري ٿوري دير بعد چيو: ”ڀلا منهنجا چپ؟“ ”اهي به سٺا آهن“ مڙس پنهنجو منهن فائيلن ۾ ئي وجهندي چيو جيڪي هو ضروري ڪم پوري ڪرڻ لاءِ گهر کڻي آيو هو. ”ڀلا اکيون.......؟“ ٿوري دير بعد زال وري ڊسٽرپ ڪيس. ”هون.......؟“ مڙس پنهنجي ئي پريشانيءَ ۾ مختصر چيو. ”مون چيو منهنجيون اکيون؟“ زال وري سندس خيالن ۾ رخنو وڌو. ”اهي به سٺيون آهن“ مڙس وراڻيو پر زال ان مختصر جواب مان مطمئن نه ٿي چيس: ”بس.....؟“ ”بس ٻيو ڇا؟“ مڙس وڌيڪ بيزاريءَ جو اظهار ڪيو، جنهن تي زال ڪاوڙجي چيس: ”هون ته تون هميشه چوندو آهي ته منهنجيون اکيون عتيقه اوڍو سان ٿيون ملن؟“ باربار ڊسٽرپ ٿيڻ تي مڙس باهه ٿي ويو ۽ ڪاوڙ ۾ چيائينس: ”ڌوڙ ٿيون ملن عتيقه سان. پنهنجو پاڻ سان ئي نٿيون ملنئي.“ ----------------- الطاف شيخ جي ڪتاب ”رٺي آهي گهوٽ سان“ منجهان
ههههههههههههههههههههههههههههه مطلب ته ڪاڻي زال جي بي عزتي خراب ڪري وڌائين ۔۔۔۔۔۔۔۔۔اصل ڏاڍو ڪو ظآلم هوووو
