اول ڪريان ثنا ستار سائين

[منظور ڪلهوڙو]

سنڌ سلامت جي ڪتابي سلسلي ۾ ”منهنجي مختصر آتم ڪهاڻي“ مان کنيل بيت ، جهڙي ريت ناليواري اديب ۽ ڏاهي پنهنجي آتم ڪٿا ۾ هن بيت بابت خيال پيش ڪيا آهن ته هوند عشق جي عميق ۾ غرق ٿيل جو هنيا ڇڄي ڌارئون ڌار ٿي پوندو، منهنجو به اهڙو ئي حال ٿيو، سوچيم سڄنن سان ونڊ ڪيان۔۔۔​

​

اول ڪريان ثنا ستار سائين​

وڇوڙيل کي مٺا مارو ملائين​

اباڻن جي اُڪنڊ ڪيا چاڪ در چاڪ​

جگر جيرا جلي کامي ٿيا خاڪ​

اداڙي! تو عمر مون قيد ڇو ڪيو؟​

پنوهارن جي پرت جو پيچ مون پيو​

پنوهاريون هت پين پاڻي پلر پاڪ​

آئون ويڍي وسايان منهن مٿي خاڪ​

مٺو مرسل جڏهن ايندو سڄڻ سنڌ​

بندي بيڪار کان ٿيندو بدا بند​