994 اٽيچمينٽ ڏسو امريڪا ۾ آزادي جي تحريڪ شروع، نيويارڪ، نيو جرسي، ٽڪيساس، فلوريڊا، جارجيا، ڪولو راڊو، مشي گن سميت 20 رياستن آمريڪا کان ڌار ٿيڻ جي درخواست ڏئي ڇڏي۔ واشنگٽن( مانيٽرنگ ڊيسڪ) آمريڪي صدر باراڪ اوباما جي ٻيهر صدر چونڊجڻ کان فوري پوءِ آمريڪا جي 20 رياستن آمريڪا کان ڌار ٿيڻ لاءِ پٽيشنز داخل ڪري ڇڏيون آهن۔ رپورٽ موجب آمريڪي صدر باراڪ اوباما جي ڪاميابي کان پوءِ آمريڪي عوام ۾ گڏيل آمريڪا کان عليحدگي جو جذبو پيدا ٿي پيو آهي آمريڪي رياستن ۾ 20 کان وڌيڪ رياستن جي عوام آمريڪا کان ڌار ٿيڻ جي درخواست ڏني آهي۔ درخواست ۾ اوباما انتظاميا کي درخواست ڪئي وئي آهي ته انهن کي ڌار پنهنجي حڪومت ٺاهڻ جي اجازت ڏني وڃي پر امن عليحدگي جو مطالبو ڪندڙ رياستن ۾ لوزينا، ٽيڪساس، اتر ڊڪوٽا، مسيسپي، ڪينٽڪي، اتر ڪيرولينا، الباما، فلوريڊا، جرجيا، نيو جرسي، ڪولو راڊو، اوريگون، ڏکن ڪيرولينا، مشي گن، مسيوري، نيويارڪ ۽ آرڪنساس شامل آهن۔ انهن رياستن درخواستن ۾ چيو آهي ته آمريڪا انهن رياستن کي پرامن واپسي جي اجازت ڏئي۔ آمريڪي صدارتي چونڊن کان پوءِ 9 نومبر جي رات تي شهرين پاران اها درخواست داخل ڪئي وئي آهي جن ۾ لوزيانا سڀني رياستن کان اڳ صدارتي چونڊن کانپوءِ عليحدگي جي درخواست داخل ڪرائي ان کانپوءِ ٽيڪساس رياست به آمريڪا کان ڌار ٿيڻ جي درخواست ڏني۔ آمريڪي قانون موجب آمريڪي عوام پاران حڪومت کي درخواست جمع ڪرائڻ کان پوءِ هڪ مهيني جي مهلت ڏني ويندي آهي ان عرصي دوران 25 هزار ماڻهن صحيح ڪئي ته اوباما انتظاميا ان تي غور ڪندي ٽيڪساس پاران جمع ڪرايل درخواست ۾ چيو ويو آهي ته وفاقي حڪومت جي ملڪي ۽ پرڏيهي خرچن جي سڌارن ۾ غفلت جي ڪري آمريڪا لاڳيتو اقتصادي بدحالي جو شڪار آهي، آمريڪي شهرين جي حقن جي ڀڃڪڙي ٿي رهي آهي۔ آمريڪي ضابطي تحت وائيٽ هائوس جي ويب سائيٽ تي پٽيشن کي ڳولڻ لاء هن درخواست تي 150 ماڻهن جي صحيح هجڻ ضروري آهي۔ پاڪستاني وقت موجب سومر جي صبح 11 هين وڳي تائين لوزينا جي حق ۾ 12180، ٽيڪساس جي حق ۾ 14786، فلوريڊا 4021، جارجيا 3276، الباما 3958، اتر ڪيرولينا 3797، ڪينٽڪي 3193، مسيسپي 3136، انڊيانا 3172، اتر ڊڪوٽا2471 ، منٽلنا 2837، ڪولوراڊو 3044، اوريگون 2637، نيو جرسي 2447، نيو يارڪ 2821، ڏکڻ ڪيرولينا 2601، ٽينينسي 2598، مشي گن 2437، ميسوري 2148، آڪنساس جي عليحدگي جي حق ۾ 309 ماڻهن صحيح ڪري ڇڏي آهي آمريڪي آزادي جي اعلان ۾ واضح آهي ته جيستائين ماڻهو ڪنهن سياسي ٻنڌڻ کان ڌار ٿيڻ چاهين انهن کي اها آزادي آهي ته اهي عليحدا ٿين ۽ اهي پنهنجي ڌار حڪومت جوڙي سگھن۔ بي بي سي سنڌي جي ٿورن سان
