چونڊ شاعري: زندگي جو ڪٻاڙخانو: شيخ اياز

[شهزاد احمد انصاري]

چونڊ شاعري: زندگي جو ڪٻاڙخانو: شيخ اياز


زندگي جي ڪٻاڙ خاني مان

ڪيترائي ڀڳل ٽٽل ماڻهو​

وقت مُنهنجو اچي وڃائن ٿا​

هو اچن ٿا انهيءَ زماني مان​

جو نه ٻيهار آ ڪڏهن اچڻو،​

جو ٿڌي ساهه سان لنوائن ٿا،​

پو به آهن اُنهيءَ فساني مان​

ٿي ويو اختتام آ جنهنجو​

هو نئين سر اهو ٻڌائين ٿا​

ٿو لڳي تن جي تاني باني مان​

ڪو به ڌاڳو نئون نه آ تن ۾،​

پنهنجي ماضيءَ جو کيس پائن ٿا،​

پوءِ هو ساڳو ڳيچ ڳائن ٿا​

جو اسان ڪالهه گڏجي ڳاتو هو !

(روزاني عوامي آواز جي ٿورن سان)​