هڪ مشهور ملٽي نيشنل ڪمپني جي جاب جي سلسلي ۾ هڪ اميدوار انٽرويو ڏيڻ آيو۔۔۔۔ انٽرويو ڪندڙ کيس چيو۔۔۔ ”سوچي سوچي ٻڌا ته مان توهان کان 10 آسان سوال پڇان يا وري صرف هڪ مشڪل ترين سوال پڇان۔۔۔۔؟“ اميدوار ڪجهه گهڙيون سوچيندو رهيو ۽ پوءِ جواب ڏنائين ۔۔ ” منهنجو خيال آهي ته مون کان صرف هڪ مشڪل سوال پڇو۔۔۔۔۔ ؟“ انٽرويو ڪندڙ چيو۔۔۔ ” تمام ڀلو۔۔ توهان پنهنجي لاءِ هڪ مشڪل ترين سوال پڇڻ جي سليڪشن ڪئي آهي۔۔۔۔ ته چڱو ڀلا اهو ٻڌايو ته سڀ کان پهريان ڏينهن آيو يا رات۔۔۔۔؟“ اميدوار گهڙي پل لاءِ گهٻرائجي ويو۔۔۔ هن سوچيو ته مون کي نوڪري ملڻ هن سوال جي درستگي تي منحصر آهي۔۔۔ گهڙي کن سوچي هن جواب ڏنو۔۔۔۔ ”سائين منهنجو خيال آهي ته ۔۔۔۔ ڏينهن۔۔۔“ انٽرويو ڪندڙ چيو۔۔ ” اهو ڪيئن۔۔۔؟“ اميدوار جواب ڏنو۔۔۔ ”معاف ڪجو سائين ۔۔ توهان واعدو ڪيو هو ته توهان مون کان هڪ ئي مشڪل سوال ڪندا۔۔۔“ ڇا مون کي اڃان به اهو ٻڌائڻو پوندو ته اميدوار کي نوڪري ملي يا نه۔۔۔۔۔؟
