ڪمپيوٽر بابت بنيادي معلومات جا ڪتابچه هجڻ سان هي سائيد نون دوست لا ضروري آهي

[جمشيد جوکيو]

ادا ڪمپيوٽر بابت بنيادي معلومات جا ڪتابچه هجڻ سان نون دوستن کي ڪپميوٽر بابت معلومات ملي سگهندي، اها تجويز مون کي هڪ فروٽ جو گاڏو هلائيندڙ سنڌي دوست ڏني ۽ آئون هن دوست جي ڳاله اوهان دوستن آڏو عرض رکان ٿو

 

[نثارابڙو]

صلاح ته سڄڻائپ واري آهي پر اهو ڪم حڪومتي ادارن کي جڳائي يا وري ڪي اهڙا پبلشر جيڪي ان جو خرچ برداشت ڪن ۽ موٽ ۾ سستي اگهه سان اهي مهيا ڪن ۔۔۔ پر اهو ڪندو ڪير ۔۔۔؟؟؟؟ في الوقت ته سنڌي تعليمي اڳواڻن کي اهڙي ڪنهن تجويز ڏيڻ ڄڻ آسمان ۾ پٿر اڇلائڻ جي برابر آهي ۔۔۔ ها هڪ ڪم ٿي سگهي ٿو ته روزانه ڇپجندڙ اخبارون اهو ڪم ڪري سگهن ٿيون ۔۔۔ رورانه بنيادن تي اخبارون ڪمپيوٽر جي آگاهي جا ليک ڏئي سگهن ٿيون ۔۔۔

لک قرب

 

[عتيق الرحمان]

الائي ڇو يقين آهي ته اهڙو ڪم به سنڌسلامت تي ٿيڻ وارو آهي جنهن جو ذڪر فروٽ جو گاڏو هلائيندڙ سنڌي ڪري ٿو ۽ ان جي اهيا تمنا يا دعا ضرور رنگ لائيندي ،۽ ٿوري ئي عرصي ۾ ان جي شروعات ٿيڻ واري آهي ۽ اهڙو اشارو سائين محترم نثار ابڙو صاحب جن به ڏنو آهي ،برابر وقت جا وزير وڏيون دعوائون ڪن پيا پر سوا تباهي جي ٻيو ڪو عنصر پيدا نه ڪري سگهيا آهن۽ پانهجي مدد پاڻ تحت جيئن قدرتي ٻوڏن مان تري وياسين ايئن هاڻي به هٿُ هٿَ ۾ ڏئي منزل ماڻينداسين ،هر سينگار جو سامان سنڌ سلامت تي موجود هوندو پوء اڄ نه ته سڀاڻي ،
جتي ماروئڙن جي زينت جو عمل رٿيو وڃي ٿو اتي پروانه پنهجو پاڻ نڀائڻ ۾ سڀ کان اڳرا نظر اچڻ لڳاآهن ،سنڌ سلامت جي ساٿ ۾ انيڪ دودا ۽ دوله دشمن کي دنگ ڪرڻ لاء ميدان ۾ لٿل آهن جيڪي ڏينهن رات هڪ ڪيو سنڌسلامت کي اعلي ا اداري ۾ تبديل ڪرڻ ۾ جنبيل آهن انهن جي فڪرن ۾ شل ڪا ڪنڊ خالي نظر ٿي اچين همٿ ڀريا دوست هڪدم دم ڀري ان ۾ سونهن ۽ ساڀيان ڀري ٿا ڇڏين، ۽ سچ ته حيرت ۽ خوشيء مان اکيون نم ٿي ٿيون وڃن ته اسان جي جياپي جو اونو اڃان جوڌن ۾ آهي ،جيڪي هن قوم ۽ ٻولي کي زنده رکڻ لاء پنهجو فرض نڀائن پيا ،سنڌ جي لڄ نوٽن عيوض ڪو نه ٿا کپائن پر هڙان وڙان ڏيئي اجاگر ڪرڻ ۾ مصروف آهن،سلام آ سنڌ سلامت جي انتظاميه کي ،جيڪي خوابن جي تعبير پيش ڪري رهيا آهن،
اميد ته هي خواب به جلد پورو ٿيندو جيڪو هڪ مسڪين فروٽ کپائڻ واري جو آهي
سنڌسلامت ساٿ سلامت

 

[رحيم بخش]

ادا ڪمپيوٽر بابت بنيادي معلومات جا ڪتابچه هجڻ سان نون دوستن کي ڪپميوٽر بابت معلومات ملي سگهندي، اها تجويز مون کي هڪ فروٽ جو گاڏو هلائيندڙ سنڌي دوست ڏني ۽ آئون هن دوست جي ڳاله اوهان دوستن آڏو عرض رکان ٿو

ادا جمشيد ڀاء ڪمپيوٽر جي متعلق ڪجهه ڪتاب ته مارڪيٽ ۾ موجود آهن ڪجهه ڪتاب سنڌ سلامت جي لائبريري ۾ به موجود آهن ليڪن بنيادي سکيا لاء انشآء الله تعالى سائين عتيق الرحمان جن جي خواب جي تعبير صحيح ثابت ٿيندي۔