سُر ڪيڏارو مان ڊزائن ڪيل چونڊ بيت

محرم الحرام جي مناسبت سان شاهه سائين جي رسالي جي سُر ڪيڏارو مان ورتل ڪجهه چونڊ بيت، ڊزائن جي صورت ۾ دوستن سان ونڊ ڪجن ٿا۔


سَخِتِي شَھادَتَ جِي، نِسورو ئِي نازُ؛
رِندَ پَرُوڙِينِ رازُ، قَضِيي ڪَربَلا جو.



مُحَرَّمَ موٽِي آئِـيو، آئِـيا تان نه اِمامَ ؛
مَدِيني جا ڄاَم مؤلا، مُون کي ميـڙِئين !



دوسِتَ ڪُهائي دادُلا، مُحِبَ مارائي؛
خاصَن خَلِيلَنِ کي، سَخِتـيُون سَھائي؛
اَللهُ اَلصَّمَدُ بي نيازُ، سا ڪَري، جا چاھي؛
اِنَھِين مَنجِھ آھي، ڪا اُونھي ڳالھِ اِسرارَ جي



سَخِتي شَھادَتَ جِي، مِڙوئِي مَلا رُ؛
ذَرو ناهِ يَزِيد کي، اِي عِشَقَ جَو آ ثارُ؛
ڪُسَڻَ جو قَرارُ، اَصُلُ اِمامَنِ سين.



ڪامِلَ ڪَربَلا ۾، آيا جُنگُ جُوان؛
ڌَرتِي ڌُٻِي، لَرزِي، ٿَرٿِليا آسمانَ؛
ڪَرَهِ ھُئِي ڪَان، ھو نَظارو نِينھَن جو.



ڪَربَلا جي پِڙَ ۾، خِيما کوڙِيائُون؛
جهيڙو يَزِيدَ سامُهون، جُنبِي جوڙِيائُون؛
مُنهُن نه موڙِيائُون، پَسِي تاءُ تَرارِ جو.

 

ڪَڪِرا ڪَربَلا جا، مادرِ ٿي ميڙِياسِ؛
ڦَٽَنِ تان رَتَ ڦُڙا، عَلِيءَ ٿي اُگِھياسِ؛
مِڙَئِي معافُ ڪَياسِ، خالقَ بَدِلي خُونَ جي​

​

​

 

جھيڙو لاهِ، يَزِيدَ ! عَلِيءَ جي اولادَ سـيـن؛
سا نه پَسَـنـدين عِـيـدَ، جا ھُوندِي مِيرَ حُـسـيـنَ سـيـن.​

​

​

​

​

 

پِرِهَه پَکِي آئِيو، ڪَربَلا مان ڪَهِي؛
روضي پاسِ رَسُولَ جي، تَنهِن ھلِي ھاڪَ ھَنئِي؛
ڏِٺِـيَمِ رُڪَ رُئِي، چَڙههُ، مِيرَ مُحَمدَ عَرَبِي!​

​

​

​

​

 

​

شاه عبدالطيف ڀٽائي رح
(سر ڪيڏارو)

حُرُّ ھَلِي آئِيو، مانجِھي مَرِدانو؛
”آھِيان عاشِقُ آڳِ جو، پَتَنگُ، پَرِوانو؛
مانَ راضِي ٿِئي، رَسُولُ رَبَّ جو، نَبِي تو نانو؛
ھِيُ سِرُ سَمانو، گھوٽَ! مَٿان ئي گھورِيان.“
___

ملهار چانڊيو جي چونڊ ۽ ڊزائن​

​

 

شاهه لطيف
(سُر ڪيڏارو)

ڪامل ڪربلا ۾، پاڻ آيا پيهي
پَههُ ڪيائون پاڻ ۾، مقابل ويهي
قضا هيءَ ڪيهي، هَئيءِ هَئيءِ ٿي حسين سين.

چونڊ ۽ ڊزائن احسان دانش
_____________​

​

​

​

​

 

​

 

ڪَامِلَ ڪَربَلا ۾، آيَا سَيَدَ شَيرَ
مَارَي مِصِرِيُنِ سِين، ڍُونڍَ ڪِئَائُون ڍَيرَ
دَهِلِيَا اُتِ دِلَيرَ، پَسِي حَمِلَو مِيرَ حُسَينَ جَو

شاهه لطيف

​

 

ڀَڳو آئُون نَه چَوَان، مَاريَو تَه وِسَهَان
ڪَانڌَ مُنهَن ۾ ڌَڪِڙا، سَيڪِيندَي سُونهَان
تَه پِڻَ لَڄَ مَرَان، جَي هَونِسِ پُٺِ ۾

سُرُ ڪَيڏَارَو


​

 

حَسَنُ نَاهِه حُسَينَ وَٽِ، ٻَيلِي نَه ٻَاهُون
سَاڙيه شَهَزَادَن جَو، آهَي آڳاهُون
يَزيدَ جُلَاهُون، تَيلَان ڪَريَين تَڪڙِيُون

سُرُ ڪَيڏَارَو

​

 

ڪَربَلا ڪَڪَورِي، دُلدُلِ رَتَا پَيرَ
سَٽُون ڏيندَي شَيرَ، مَٿَان سِجُ مُرڪيَو

سُرُ ڪَيڏَارَو

​

 

سُورِهَه مَرِين سَوڀَ کَي، ته دِلِ جَا وَهَمَ وِسَارِ
هَڻُ ڀَالا وِڙُهه ڀَاڪُرَين، آڏِي ڍَالَ مَ ڍَارِ
مَٿَان تَيغ تَرَار، مَار ته مَتَارَو ٿِئَين

سُرُ ڪَيڏَارَو

​