ماڻهو، ماڻهوءَ کي پيو ماري، ڪهڙو تنهنجو شهر آهي (ماريه ڪنول)

[ماريه ڪنول]

دل جو پياسو ٿر آهي​

ڏور وسي ٿو،ڪڪر آهي​

​

نيڻ ته توکي هر دم ڳولين​

اوسيئڙي ۾ در آهي​

​

پيار ئي قاتل پيار ئي جيون​

ڪيڏو نه مٺو هي زهر آهي​

​

تون آئين جو منهنجي اًڱڻ تي​

ٿي ويو معطر گهر آهي​

​

ماڻهو، ماڻهوءَ کي پيو ماري​

ڪهڙو تنهنجو شهر آهي​

​

ٿي توکي پوڄڻ چاهي ”ڪنول“​

من ۾ جوڙيو مندر آهي!!!!​

 

[سليمان وساڻ]

ماڻهو، ماڻهوءَ کي پيو ماري​

ڪهڙو تنهنجو شهر آهي​

​

​

خوبصورت احساس، سهڻي شاعري۔​

 

[عرس پريو]

پيار ئي قاتل پيار ئي جيون

ڪيڏو نه مٺو هي زهر آهي​

خوبصورت احساس
بهترين شاعري

 

[ماريه ڪنول]

لک لائق ادا وساڻ  ادا عرس

 

[نثارابڙو]

جيئن ته شاعري اندر جي اڌمن جو بي ساخته اظهار آهي ۽ هن اظهار مان محترمه ماريه ڪنول جي ذهني ۽ جذباتي ڪيفيت جي خبر پوي ٿي ۔۔۔ ۽ مزي جي ڳالهه ته شاعره جي اندر جا اڌما اسانجي به اندر جو اظهار آهن ۔۔۔ باقي شاعرانه صلاحيتن تي اهي ئي دوست ڳالهائي سگهنٿا جيڪي شاعري جي وزن بحر کان واقف هجن ۔۔۔
پيار ئي قاتل پيار ئي جيون
ڪيڏو نه مٺو هي زهر آهي

تمام سهڻو اظهار ۔۔۔۔