اِي سنڌ منھنجي جِند آ (شاعري)

[سانوڻ خاصخيلي]

​

اِي سنڌ منھنجي جِند آ​

​

اِي سنڌ منھنجي جِند آ​

تنھن سنڌ مٿان ​

۽ ​

جند مٿان​

مان گھور وڃان، مان گھور وڃان​

مارو مٺڙا مان لھن​

شال سدا ھو شان لھن​

تنھن راڻِي ۽ رِند مٿان​

مان گھور وڃان، مان گھور وڃان​

ھِن ڌرتي تي ھُٻڪار ھُجي​

پيار ڏجي ۽ پيار ھُجي​

سُھڻي ساھ سُڳنڌ مٿان​

مان گھور وڃان، مان گھور وڃان​

ھو مٺڙي ٻولي ٻولين ٿا​

ڳالھ وڏي ڪا ڳولين ٿا​

اجرڪ ٽوپي ٽِنڊ مٿان​

مان گھور وڃان، مان گھور وڃان​

سانوڻ سوچين لوچين ٿو​

پل پل پيارا پوڄين ٿو​

سنڌ مٿان ھر ھنڌ مٿان​

مان گھور وڃان، مان گھور وڃان​

(منھنجي عبادت)​

 

[نثارابڙو]

ھِن ڌرتي تي ھُٻڪار ھُجي​

پيــــار ڏجي ۽ پيـــــــار ھُجي​

آمين​

 

[سليمان وساڻ]

سانوڻ سوچين لوچين ٿو​

پل پل پيارا پوڄين ٿو​

سنڌ مٿان ھر ھنڌ مٿان​

مان گھور وڃان، مان گھور وڃان​

​

​

خوبصورت سٽون، سڀني جو آواز، سهڻا خيال​